藏文-(2).docx_咨信网zixin.com.cn

资源描述

སློབ་ཚན་བཞི་བ། དགེ་ལྡན་ལེགས་བཤད། པཎ་ཆེན་བསོད་ནམས་གྲགསཔ། སློབ་ཁྲིད་ཀྱི་དམིགས་ཚད། ༡སློབ་ཚན་ལེགས་པར་བསླབ་པ་བརྒྱུད།མཁས་པ་དང་བླུན་པོའི་ཤེས་རྨོངས་ཀྱི་སྤྱོད་པ་ལས་སྤངས་བླང་གི་བྱ་བ་ཕྱིན་ཅི་མ་ལོག་པའི་སློབ་གསོ་དང་སྐུལ་ལྕག་ཡོང་བ་བྱ་རྒྱུ། ༢ དཔེ་དོན་ཟུང་འབྲེལ་གྱིས་བསྟན་པའི་དོན་རྣམས་རྟོགས་པར་བྱ་རྒྱུ། སློབ་ཁྲིད་ཀྱི་དཀའ་གཙོ་གནད། ༡སློབ་ཚན་ལས་བསྟན་པའི་བླང་དོར་གྱི་གནད་རྣམས་ཇི་བཞིན་རྟོགས་པར་བྱ་རྒྱུ། ༢ཚིག་ཉམས་དང་དཔེ་དོན་གྱི་རྩོམ་རྩལ་རྟོགས་པར་བྱ་རྒྱུ། སློབ་ཁྲིད་ཀྱི་བརྒྱུད་རིམ། ཐུན་དང་པོ། དང་པོ། དམིགས་ཚད་གསལ་སྟོན། སློབ་ཐུན་འདིར་ང་ཚོས་སློབ་ཚན་གྱི་ཁ་བྱང་ལ་རྒྱུས་ལོན་གསལ་བོ་ཞིག་བྱ་རྒྱུ་དང་། རྩོམ་པ་པོའི་ལོ་རྒྱུས་མདོར་བསྡུས། སློབ་ཚན་གྱི་ཀློག་ལ་བྱང་བ་བཅས་བྱ་རྒྱུ། གཉིས་པ། སློབ་ཁྲིད་ཀྱི་ནང་དོན་གསར་བ། ༡ སློབ་ཚན་གྱི་ཁ་བྱང་འགྲེལ་རྒྱུ། ༼དགེ་ལྡན་ལེགས་བཤད་༽ཅེས་པའི་མིང་ཆ་ཚང་ལ་༼མཁས་པ་དང་བླུན་པོ་བརྟག་པའི་བསྟན་བཅོས་དགེ་ལྡན་ལེགས་བཤད་པདྨ་དཀར་པོའི་ཆུན་པོ༽ཞེས་ཟེར། བསྟན་བཅོས་ཧྲིལ་བོ་ལ་ཤོ་ལོ་ཀ་བརྒྱ་དང་ཉེར་ལྔ་ཡོད། ༢རྩོམ་པ་པོ་ངོ་སྤྲོད། པཎ་ཆེན་བསོད་ནམས་གྲགས་པ། དགའ་ལྡན་ཁྲི་ཐོག་བཅོ་ལྔ་བ། ཁོང་ནི་1478ལོར་བོད་ལྗོངས་ལྷོ་ཁ་རྩེད་ཐང་དུ་སྐུ་འཁྲུངས་པ་དང་། སེ་ར་དང་འབྲས་སྤུངས་ཀྱི་མཁན་པོ་དང་དགའ་ལྡན་ཁྲི་བ་མཛད། 1554ལོར་སྐུ་གཤེགས། ཁོང་ལ་གསུང་རྩོམ་པོད་དྲུག་ཡོད་པའི་ནང་༼དེབ་ཐེར་དམར་པོ་གསར་མ་༽དང་༼བསྟན་བཅོས་རིན་ཆེན་ཕྲེང་བ༽ ༼བསྟན་རྩིས་རིན་ཆེན་ཕྲེང་བ༽ ༼རྒྱུད་སྡེ་སྤྱིའི་རྣམ་བཤད༽ ༼དགེ་ལྡན་ལེགས་བཤད༽སོགས་མང་པོ་ཡོད། ༣སློབ་ཚན་གྱི་ཀློག་ལ་འཇུག་རྒྱུ། སློབ་གྲོགས་རེ་འགའ་རྩ་འཛུགས་བྱས་ནས་སློབ་ཚན་ཡང་ཡང་ཀློག་ཏུ་འཇུག་རྒྱུ་དང་། དེའི་ཞོར་དུ་སློབ་ཚན་ཁྲོད་ཀྱི་དཔེ་དཔེ་ཅན་ངོས་འཛིན་བྱ་རྒྱུ་དང་། གོ་དཀའ་བའི་ཐ་སྙད་དག་ལ་ལོགས་སུ་རྟགས་རྒྱག་རྒྱུ། གསུམ་པ། དུས་ཐོག་སྦྱོང་བརྡར། སྦྱང་གཞིའི་ལྷན་ཐབས་ཀྱི་རྨང་གཞིའི་སྐོར་མཉམ་སྒྲུབ། བཞི་བ། སྦྱང་བྱ་བཀོད་སྒྲིག ཀློག་པ་དང་འབྲི་བའི་ཐ་སྙད་འགའ་བསལ་ནས་ཚིག་སྒྲིག་ཏུ་འཇུག་རྒྱུ། ལྔ་བ།སམ་ངོས་བཀོད་སྒྲིག སློབ་ཚན་བཞི་བ། དགེ་ལྡན་ལེགས་བཤད། པཎ་ཆེན་བསོད་ནམས་གྲགསཔ། ༡ སློབ་ཚན་གྱི་ཁ་བྱང་འགྲེལ་རྒྱུ། ༢རྩོམ་པ་པོ་ངོ་སྤྲོད། ༣སློབ་ཚན་གྱི་ཀློག་ལ་འཇུག་རྒྱུ། ཐུན་གཉིས་པ། དང་པོ། དམིགས་ཚད་གསལ་སྟོན། སློབ་ཐུན་འདིར་ང་ཚོས་སློབ་ཚན་གྱི་ཚིག་དོན་རེ་རེ་འགྲེལ་རྒྱུ་དང་།དཔེ་དཔེ་ཅན་ངོས་འཛིན། ཤོ་ལོ་ཀ་རེ་རེའི་བསྟན་དོན་ཤེས་པར་བྱ་རྒྱུ། གཉིས་པ། སློབ་ཁྲིད་ཀྱི་ནང་དོན་གསར་བ། ༡ ཤོ་ལོ་ཀ་དང་པོ། མཁས་པ་ཡོན་ཏན་ཀུན་ལྡན་པས།། གང་དུ་ཕྱིན་པ་དེ་རུ་བྲིན།། རྟ་ཕོ་བཟང་དང་རྒྱན་བཟང་པོ།། ཚོང་དུས་དག་ཏུ་བྲིན་ཞེས་གྲགས།། 1དཔེ་དང་དཔེ་ཅན། མཁས་པ་དང་རྟ་ཕོ། 2དོན་འགྲེལ། ༼བསྡུས།༽ 3བསྟན་དོན། ཡོན་ཏན་ཐམས་ཅད་ལྡན་པའི་མི་དེ་ས་ཕྱོགས་གང་དུ་ཕྱིན་ཡང་ཀུན་གྱིས་གུས་བཀུར་ཐོབ་ཅེས་དོན་ནོ།། ༢ཤོ་ལོ་ཀ་གཉིས་པ། བླུན་པོ་ཉེས་པ་ཀུན་ལྡན་པས།། གང་དུ་ཕྱིན་པ་དེ་ནས་ལྡོག། བོང་ཤ་ཡིན་པར་ངོ་ཤེས་ནས།།སུས་ཀྱང་ཉོ་བ་མེད་ལ་ལྟོས།། 1དཔེ་དང་དཔེ་ཅན། བླུན་པོ་དང་བོང་ཤ། 2དོན་འགྲེལ། ལེགས་བཤད་གཏམ་རྒྱུད་ངག་ཐོག་ནས་བཤད་ཤེས་པར་སྐུལ་རྒྱུ།༼བསྡུས།༽ 3བསྟན་དོན། ཁྲེལ་མེད་གཡོ་སྒྱུས་འཚོ་བའི་བླུན་པོ་ལ་མི་སུས་ཀྱང་བཀུར་བསྟི་བྱེད་མི་སྲིད་པའི་གནས་ལུགས་བསྟན་ཡོད་དོ།། ༣ཤོ་ལོ་ཀ་གསུམ་པ། མཁས་པ་མང་དུ་འདུས་པ་ན།། བློ་གྲོས་སྡུར་བས་ལེགས་ལ་སྦྱོར།། གླང་བོ་ལ་སོགས་སྲོགས་ཆགས་བཞི།།འཛོམས་ནས་བསླབ་ཁྲིམས་བཅས་ལ་ལྟོས།། 1དཔེ་དང་དཔེ་ཅན། མཁས་མང་དང་མཐུན་པ་སྤུན་བཞི། 2དོན་འགྲེལ།མཐུན་པ་སྤུན་བཞིའི་གཏམ་རྒྱུད་དང་སྦྲགས་ཏེ་འགྲེལ་རྒྱུ། ༼བསྡུས།༽ 3བསྟན་དོན། མཁས་པ་མང་པོས་མཉམ་དུ་བློ་གྲོས་ཀྱིས་འདུས་པས་ཐམས་ཅད་ལེགས་ལམ་དུ་སྦྱོར་བར་བྱེད་པའི་གནས་ལུགས་བསྟན་ནོ།། ༤ཤོ་ལོ་ཀ་བཞི་བ། བླུན་པོ་དོན་གྱི་གལ་ཐུག་ན།།ཅུང་ཟད་ཙམ་ལའང་སྐྲག་པ་སྐྱེས།། མི་ལ་ཟགས་སུ་འཁྲུལ་བ་ཡིས།།སྟག་གི་སྙིང་སྲིད་གས་ལ་ལྟོས།། 1དཔེ་དང་དཔེ་ཅན། བླུན་པོ་དང་སྟག 2དོན་འགྲེལ།ལེགས་བཤད་གཏམ་རྒྱུད་དང་འགྲེལ་ནས་འཁྲིད་རྒྱུ།༼བསྡུས།༽ 3བསྟན་དོན། བརྟག་ཅིང་དཔྱོད་མི་ཤེས་པའི་སྡར་མ་བླུན་པོ་ནི་དོན་གལ་ཆེ་སར་ཐུག་ན་སྐྲག་པ་སྐྱེས་པ་བསྟན་པའོ།། ༥ ཤོ་ལོ་ཀ་ལྔ་བ། བླུན་པོས་བྱ་བ་ང་བརྩམས་ཀྱང་།།་་་་་་་་་་་་་་་་་་་་་་་་་་་་་་་་ 1དཔེ་དང་དཔེ་ཅན། བླུན་པོ་དང་ཁྱེའུ་མེ་སྐྱེས། 2དོན་འགྲེལ། རིག་བྱེད་གཏམ་རྒྱུད་འགྲེལ་རྒྱུ། 3བསྟན་དོན། མི་བླུན་པོས་བྱ་བ་གང་ཞིག་བརྩམས་ཀྱང་རེ་བ་བཞིན་གྲུབ་པར་མི་འགྱུར་བ་མ་ཟད་ད་དུང་ཇུས་ཉེས་ངན་པ་བཟོ་བའི་དོན་བསྟན་ནོ།། གསུམ་པ། དུས་ཐོག་སྦྱོང་བརྡར། ཚོ་ཆུང་རྩ་འཛུགས་ཀྱིས་ཤོ་ལོ་ཀ་རེ་རེའི་དཔེ་དཔེ་ཅན་དང་བསྟན་དོན་ཕྱོགས་སུ་གླེང་གཞི་འདོན་རྒྱུ། བཞི་བ། སྦྱང་བྱ་བཀོད་སྒྲིག སྦྱང་གཞིའི་ལྷན་ཐབས་སྒྲུབ་རྒྱུ། ལྔ་བ།སམ་ངོས་བཀོད་སྒྲིག སློབ་ཚན་བཞི་བ། དགེ་ལྡན་ལེགས་བཤད། པཎ་ཆེན་བསོད་ནམས་གྲགསཔ། ༡ ཤོ་ལོ་ཀ་དང་པོ། ༢ཤོ་ལོ་ཀ་གཉིས་པ། ༣ཤོ་ལོ་ཀ་གསུམ་པ། ༤ཤོ་ལོ་ཀ་བཞི་བ། ༥ ཤོ་ལོ་ཀ་ལྔ་བ། ཐུན་གསུམ་པ། དང་པོ། དམིགས་ཚད་གསལ་སྟོན། སློབ་ཐུན་འདིར་ང་ཚོས་མུ་མཐུད་དུ་སློབ་ཚན་གྱི་ཚིག་དོན་རེ་རེ་འགྲེལ་རྒྱུ་དང་།དཔེ་དཔེ་ཅན་ངོས་འཛིན། ཤོ་ལོ་ཀ་རེ་རེའི་བསྟན་དོན་ཤེས་པར་བྱ་རྒྱུ། གཉིས་པ། སློབ་ཁྲིད་ཀྱི་ནང་དོན་གསར་བ། ༡ ཤོ་ལོ་ཀ་དྲུག་པ། མཁས་པས་ས་ཆེན་གང་གྱུར་ཀྱང་།།ཉུང་བ་བཞིན་བུ་གདུང་བ་སྐྱེས།། རྒྱ་མཚོ་ནོར་བུས་གང་ན་ཡང་།།ཚོང་མགྲོན་ཚིམ་པ་མེད་ལ་ལྟོས།། 1དཔེ་དང་དཔེ་ཅན། མཁས་པ་དང་ནོར་བུ། 2དོན་འགྲེལ། ༼བསྡུས།༽ 3བསྟན་དོན། མཁས་པ་ཅི་ཙམ་མང་ན་ཡང་དེ་ལྟར་ལེགས་པས། ང་ཚོས་ཀྱང་རིག་པའི་གནས་ལ་ཧུར་བརྩོན་བྱས་ཏེ་མཁས་པའི་གྲལ་དུ་ཚུད་དགོས་པའི་གནས་ལུགས་བསྟན་ཡོད། ༢ཤོ་ལོ་ཀ་བདུན་པ། བླུན་པོས་རྟོག་དཔྱོད་མི་གཏོང་བར།།དགྲ་ལ་འཐབ་པ་བླུན་རྟགས་ཏེ།། མར་རེའི་འོད་ལ་འཐབ་པ་ཡི།།ཕྱེ་མ་ལེབ་ཀྱི་ངང་ཚུལ་ལྟོས།། 1དཔེ་དང་དཔེ་ཅན། བླུན་པོ་དང་ཕྱེ་མ་ལེབ། 2དོན་འགྲེལ། ལྦ་ཡིས་ལུག་གི་མགོ་ཁྲག་འཐུང་བའི་དཔེ་ལྟར་འགྲེལ་རྒྱུ། 3བསྟན་དོན།རྟོག་དཔྱོད་མི་གཏོང་བར་བྱ་ལ་འཇུག་པ་ནི་བླུན་ཞིང་རང་ཉིད་བརླག་པའི་རྒྱུ་ཡིན་པའི་གནས་ལུགས་བསྟན་ནོ།། ༣ ཤོ་ལོ་ཀ་བརྒྱད་པ། མཁས་པས་དགྲ་ལ་མིག་བསྲིངས་པས།།ཐ་མར་དགྲ་བོ་དབང་དུ་བསྡུས།། དཀའ་ཐུབ་ཅན་གྱི་བཟོད་པ་ཡིས།།རྒྱལ་པོ་དབང་དུ་བསྡུས་ལ་ལྟོས།། 1དཔེ་དང་དཔེ་ཅན། མཁས་པ་དང་དཀའ་ཐུབ་ཅན། 2དོན་འགྲེལ།༼ཙ་ན་ཀའི་བསྟན་བཅོས་༽ལས་འཇམ་པོས་འཇམ་པོ་འཇོམས་བྱེད་ཅིང་།།འཇམ་པོས་རྩུབ་པོའང་འཇོམ་པར་བྱེད་ཅེས་པ་ལྟར་འགྲེལ་རྒྱུ། 3བསྟན་དོན།སྐྱེ་མཆོག་དང་མཁས་པས་བྱ་བ་སྒྲུབ་པ་དང་མི་ལ་འབྲེལ་འདྲིས་བྱེད་དུས། མིག་རྒྱང་རིང་བ་དང་ཐབས་འཇམ་པོ་བཀོལ་དགོས་པའི་གནས་ལུགས་བསྟན་ཡོད། ༤ ཤོ་ལོ་ཀ་དགུ་བ། མཁས་པས་ཡོན་ཏན་ཁོང་དུ་སྦེད།།་་་་་་་་་་་་་་་་་་་་་་་་་་་ 1དཔེ་དང་དཔེ་ཅན།མཁས་པ་དང་ནོར་བུ། 2དོན་འགྲེལ།མཁས་པས་ཡོན་ཏན་ཁོང་དུ་སྦེད།།བླུན་པོས་ཡོན་ཏན་ཁ་རུ་འབྱིན་ཞེས་པ་ལྟར་འགྲེལ་བ། 3བསྟན་དོན། མཁས་པས་ནི་ཡོན་ཏན་ཡོད་མདོག་མ་བྱས་ཀྱང་སྐྱེ་བོ་མང་པོ་དེ་རུ་འདུ་བར་བྱེད་པ་བསྟན་ཡོད། ༥ ཤོ་ལོ་ཀ་བཅུ་བ། བླུན་པོ་འཁོན་ནམ་མ་འཁོན་ནམ།།་་་་་་་་་་་་་་་་་་་་་་་་་་་་་་ 1དཔེ་དང་དཔེ་ཅན། བླུན་པོ་དང་ཁྱི་ལུད། 2དོན་འགྲེལ། ༼བསྡུས།༽ 3བསྟན་དོན།བླུན་པོས་ཁོ་ལ་གུསབཀུར་བྱེད་མཁན་ལ་ལྷག་པར་སྡང་བར་བྱེད་པས། མཁས་པའི་སྤྱོད་པ་བསྐྱངས་ནས་ཐབས་ཀྱིས་ཐག་གཅོད་པར་བྱེད་དགོས་པའི་གནས་ལུགས་བསྟན་ཡོད། གསུམ་པ། དུས་ཐོག་སྦྱོང་བརྡར། ཚོ་ཆུང་རྩ་འཛུགས་ཀྱིས་ཤོ་ལོ་ཀ་རེ་རེའི་དཔེ་དཔེ་ཅན་དང་བསྟན་དོན་འབྲི་རྒྱུ། བཞི་བ། སྦྱང་བྱ་བཀོད་སྒྲིག ཤོ་ལོ་༢ ༥ ༧ ༩བཅས་ཚིག་ལྷུག་ཏུ་ཕབ་དགོས། ལྔ་བ།སམ་ངོས་བཀོད་སྒྲིག སློབ་ཚན་བཞི་བ། དགེ་ལྡན་ལེགས་བཤད། པཎ་ཆེན་བསོད་ནམས་གྲགསཔ། ༡ ཤོ་ལོ་ཀ་དྲུག་པ། ༢ཤོ་ལོ་ཀ་བདུན་པ། ༣ཤོ་ལོ་ཀ་གསུམབརྒྱད་པ། ༤ཤོ་ལོ་ཀ་དགུ་བ། ༥ ཤོ་ལོ་ཀ་བཅུ་བ། ཐུན་བཞི་བ། དང་པོ། དམིགས་ཚད་གསལ་སྟོན། ༡སློབ་ཐུན་འདིར་ང་ཚོས་མུ་མཐུད་དུ་སློབ་ཚན་གྱི་ཤོ་ལོ་ཀ་ལྷག་མ་དག་གི་ཚིག་དོན་རེ་རེ་འགྲེལ་རྒྱུ་དང་།དཔེ་དཔེ་ཅན་ངོས་འཛིན། ཤོ་ལོ་ཀ་རེ་རེའི་བསྟན་དོན་ཤེས་པར་བྱ་རྒྱུ། ༢སློབ་ཚན་གྱི་བརྗོད་སྙིང་དང་བསྟན་དོན་ཤེས་པར་བྱ་རྒྱུ། གཉིས་པ། སློབ་ཁྲིད་ཀྱི་ནང་དོན་གསར་བ། ༡ ཤོ་ལོ་ཀ་བཅུ་གཅིག་པ། བླུན་པོ་ཁེངས་ཤིང་སྨྲ་བ་མང་།།་་་་་་་་་་་་་་་་་་་་་་་་་་ 1དཔེ་དང་དཔེ་ཅན། བླུན་པོ་དང་ཆུ་ཕྲན། 2དོན་འགྲེལ། ཡོན་ཏན་ཆུང་རྣམས་ང་རྒྱལ་ཆེ།།ཡོན་ཏན་ཆུང་རྣམས་ང་རྒྱལ་ཆེཞེས་བའི་དོན་དང་འབྲེལ་ནས་འཁྲིད་རྒྱུ། 3བསྟན་དོན།བླུན་པོ་ནི་སྨྲ་བ་མང་ཞིང་ཁེངས་དྲེགས་ཆེ་བས་དེ་ལྟར་བྱེད་མི་རུང་བའི་གནས་ལུགས་བསྟན་ཡོད། ༢ཤོ་ལོ་ཀ་བཅུ་གཉིས་པ།མཁས་པ་སྔར་འདྲིས་མ་གཏོགས་པ།་་་་་་་་་་་་་་་་་་་་་་་་་་ 1དཔེ་དང་དཔེ་ཅན། མཁས་པ་དང་རི་དྭགས། 2དོན་འགྲེལ། འཕྲད་མ་ཐག་ཏུ་བློ་མ་གཏོད་ཅེས་པ་ལྟར་འགྲེལ་བ། 3བསྟན་དོན།མི་ལ་འབྲེལ་འདྲིས་བྱེད་ཚེ་འཕྲད་མ་ཐག་ཏུ་མི་ལ་བློ་གཏད་མི་རུང་བའི་གནས་ལུགས་བསྟན་ནོ།། ༣ ཤོ་ལོ་ཀ་བཅུ་གསུམ་པ། བླུན་པོ་གནོད་ཚིག་ཁ་རུ་འབྱིན།། 1དཔེ་དང་དཔེ་ཅན། བླུན་པོ་དང་ཁྱི། 2དོན་འགྲེལ།བླུན་པོས་གཞན་ལ་གནོད་པའི་ཚིག་རྣམས་སྨྲས་པསཕ་རོལ་བོས་ཉམས་ཚོད་ལེན་སླ་ཞིང་རང་ཉིད་ཕམ་སླ་བ་བརྗོད་ཡོད། 3བསྟན་དོན།མི་དང་འབྲེལ་འདྲིས་བྱེད་དུས་གནོད་ཚིག་ཁ་རུ་འདོན་མི་རུང་བའི་ གནས་ལུགས་བསྟན་ཡོད། ༤ ཤོ་ལོ་ཀ་བཅུ་བཞི་བ། བླུན་པོས་སྐྱིད་འདོད་ལེ་ལོས་འདའ།།་་་་་་་་་་་་་་་་་་་་་་་་་་་་་་ 1དཔེ་དང་དཔེ་ཅན། བླུན་པོ་དང་དབུལ་བོ། 2དོན་འགྲེལ། བདེ་བ་ཆུང་ཆགས་པ་དེེས།།ཆེན་པོའི་བདེ་བ་འཐོབ་མི་སྲིད་ཅེས་པ་ལྟར་འཁྲིད་དགོས། 3བསྟན་དོན།གནས་སྐབས་ཀྱི་བདེ་སྐྱིད་ལ་མགོ་མི་འཁོར་ལེ་ལོ་དོར་ནས་རིག་གནས་ཤེས་བྱར་འབད་དགོས་པའི་གནས་ལུགས་བསྟན་ཡོད། ༥ རྩོམ་སྟངས་ཁྱད་ཆོས། 1ལེགས་བཤད་ཧྲིལ་བོར་གཤིབ་སྡུར་གྱི་མཚོན་ཐབས་སྤྱད་ཡོད། 2ཚིག་རྐང་སྔ་མ་དོན་དང་ཕྱི་མ་གཉིས་དཔེ་རུ་བཀོད་པ།༼ཟླ་བོ་དངོས་པོའི་དཔེ།༽ 3ཚིག་སྦྱོར་བདེ་ཞིང་ཁ་གསལ་བ། ཚིག་རྐང་རྗེས་མའི་མཐར་སྐུལ་ཚིག་གིས་སྐུལ་བ། གསུམ་པ། དུས་ཐོག་སྦྱོང་བརྡར། སློབ་མ་སོ་སོས་སློབ་ཚན་གྱི་བརྗོད་དོན་སྦྱང་དེབ་ཏུ་འགོད་དགོས། བཞི་བ། སྦྱང་བྱ་བཀོད་སྒྲིག སྦྱང་གཞིའི་ལྷན་ཐབས་ཀྱི་ནང་དོན་ཕྲིས། ལྔ་བ།སམ་ངོས་བཀོད་སྒྲིག སློབ་ཚན་བཞི་བ། དགེ་ལྡན་ལེགས་བཤད། པཎ་ཆེན་བསོད་ནམས་གྲགསཔ། ༡ ཤོ་ལོ་ཀ་བཅུ་གཅིག་པ། ༢ཤོ་ལོ་ཀ་བཅུ་གཉིས་པ ༣ ཤོ་ལོ་ཀ་བཅུ་གསུམ་པ། ༤ ཤོ་ལོ་ཀ་བཅུ་བཞི་བ། ༥ རྩོམ་སྟངས་ཁྱད་ཆོས། སྡིངས་དཀར་ཆུང་བདག

展开阅读全文