粤语版拍拖手册.doc

1.唔好对吾住我，否则我知道自己会做出D咩事噶。
（做得出，就没惗过俾你知啦～所以你哋唔使担心！）
2.唔准一脚踏两船 (或以上 )
（由细到大，边有女人话会俾我哋一脚踏两船咖，我阿妈都没话过俾啦，但是你又估吓我哋有没试过吖了～哈哈～）（澄清：我没，除咗细个去撑艇仔嘅时候试过～）
.我嚟M嘅时候会情绪暴躁，你要小心D．
（你吓我啊？一个月先嗰7日，都好意思讲出嚟～一年365日，我日日都暴躁，你就真是要小心D啊～）
4.如果有一天你郁手打我，我一定会还完手再走。
（我就认为你唔会走咯，因为你还完手，我够会还手咯～跟住你又要还手，跟住我又还，之后你，然后我，继续你，我，你，我，你，我······你天光都未走得啦～）（结论就是你根本离唔开我，我终于知道点解D人成日话“打者爱也”，原来是咁～哈哈～）
5.你心里面谂D咩，一定要同我讲，因为我好蠢，你唔同我直接讲我唔会知道。
（你既然知道自己蠢，咁你就唔好再逼我哋讲啦，我哋真是好惊同D蠢人倾心事咖～）
6.唔好批评我嘅好朋友，因为我同佢地共过患难，唔系酒肉朋友。
（OK,OK～依家你即是讲嘢有骨，明寸我咁话啦。得！以后我都唔会在批评你嘅朋友，但是你都唔好禁止我同D朋友出去玩咯，我哋每次出去都唔是好relax咁玩咖，是冒住没咗条命咁丧玩咖～！即是坐过山车唔绑安全带啊！你D就是共过患难～我D简直是出生入死添啊！）

7.我钟意收到你嘅SMS,几肉麻我都顶得顺架。
（我顶唔顺啊～）
8.我好拣饮择食。
（咁你饿死佢算了～）
9.你打机嘅时候，我会自己搵嘢做，你唔需要担心，最好你教我打埋一份,因为我都钟意玩。
（你钟意打就自己死埋一边打，你有没问过我想唔想同你一齐打啊？）
10.我有嘢做得唔岩你可以话我,不过唔俾发晒脾气嬲晒咁话我,要慢慢讲道理,有耐心
（耐心我就不嬲都没嗰喔～我亦都唔会蠢到去同女人讲道理咯～）
11.我承认我系一个肤浅嘅人，我嘅日常读物系D八卦杂志同小说，你唔高兴嘅我会队本《红楼梦》俾你睇。
（咁我就真是比你有文化好多了，我嘅日常读物是《龙虎豹》同《PLAYBOY》，你唔高兴嘅我亦会队本《钢铁是怎样炼成的》俾你叹吓～）
12.你要好锡好锡我,因为由细到大我屋企人都好锡好锡我嘅,当然我都会好锡你架。
（唔好成日搞到自己好似只E.T咁啦，得你有爸爸妈妈咩？唔通我哋全部都喺石头爆出嚟咖？）
13.我好憎人唔信我，同埋呃我。
（嗱～依头话完你，嗰头又搞到自己成只E.T咁了～有边个唔憎咖？同埋你咁讲，是唔是因为你平时呃得人多，所以没人肯信你。又因为你呃得人太多，人哋想报仇呃翻你啊？）
14.有时同你闹交果时候，吾好同我闹，因为女仔比男仔闹系好容易喊噶。
（边个话你知男仔俾女仔闹唔会喊咖？每次我俾我阿妈闹完我想去跳楼添啊！）
15.如果有一日，我哋分左手，我都希望可以继续做朋友。
16.喺我发脾气提分手时，你唔准当真。
（哈哈～即是每次都唔是真咖啦～ 啦啦 ～ 啦啦啦 ～ 松晒～）
17.因为我有一D唔系太开心嘅过去，对人好冇安全感。所以请你用用行动话俾我知你对我系认真嘅，你唔系玩玩下。
（男人做咩都唔会认真，除咗玩，我哋每次都会投入100%认真去丧玩，咁你想我点吖？）
18.你一定要有自己嘅理想。 因为我都有
（我嘅理想就是你可以对我小鸟依人、大方得体、千依百顺、任劳任怨～要有自己性格，但喺我面前你要没晒性格！ 要有内涵，有修养，有内在美，但喺我面前你只需要有外在美！ 最紧要是你要养起我，唔俾我吃苦，唔俾我劳累，唔准我没钱使～ 大家一齐为咗理想奋斗啦！）
19.我哋未必可以一生一世，但希望你同我一齐嘅时候，每一刻都对我认真。
（中国嘅语言同文字是博大精深嘅！每句说话都会有佢内在嘅潜台词！依句说话就是要嚟催眠我哋D麻甩佬～当一个女人用到”希望“依个词嘅时候，麻甩佬就要小心，因为女人用到”希望“，就代表佢好委屈，男人嘅通病就是会不知觉地去奋身保护身边嘅弱者，尤其是女仔！所以依句话嘅潜台词就是：“我唔会同你一生一世咖，你可能过两日就会觉得好厌，飞咗我咖了～我唔要求太多～我剩是想你喺依两日里面对我好D，俾我留翻个美好嘅回忆吖～可以嘛？” 喺咁嘅形势下，以我哋男人豪爽嘅性格，没可能唔应承佢啦～点知，日复一日，年复一年，你真是同佢一生一世了～到你离开依个世界嗰一刻，你回头发现，原来自己喺几十年前曾经遇上了一宗惊天大骗案～）（不过，如果真是可以一生一世，咁充其量都是一宗甜蜜的骗局～嘻嘻～）
20.我咬你嘅时候你唔准缩。
（咁我剥你棚牙嗰阵你都唔好缩喔～）
21.我唔会check你嘅来电显示，但系你最好唔好俾我听到你同不明来历嘅女人讲电话。
（依个问题，到你真是唔会去check我电话嗰阵时先讲啦！）
22.你个电话里面只可以有两个女人嘅相，你妈妈同我。
（咁我决定以后买电话都唔使买一部有影相功能嘅电话了，没意思啦～）
PS:其实讲到依一点，你哋女仔就应该明白点解我哋男仔屋企可以没冰箱，没电视，没洗衣机，但是就唔可以没电脑。去买电话嘅时候，如果部电话没配埋数据线，我都真是连望都唔望咖～阴功～唉～
23.我明白每个人都有过去，你会有旧情人嘅相呀信呀礼物呀，但系唔好喺我面前飘扬，有咩烂咗嘅就唔好怪我。
（放心，我哋男人对每段恋爱都好尊重嘅～一段恋爱结束，我哋都会好好埋葬佢（收埋晒D嘢佢），一段恋爱萌芽，我哋绝对唔会去挖翻个坟（攞翻出嚟）。 但是，我都求吓你哋唔好去巢我哋D嘢咯～虽然，我哋唔是好紧张D嘢，但始终都是好有纪念性咖嘛～到时如果你真是“唔小心”整烂咗，或者“唔觉意”掉咗落垃圾桶～然后你又拍吓个PAT PAT走人～我哋真是会好hurt咖～）
24.每日起码要打一次电话俾我，因为我会挂心你，最好系喺我临训前打离，因为听完你电话我会训得舒服D。
（女士们，我代表广大男性同胞向你哋汇报：你哋唔使挂心我哋，我哋出门在外或者唔喺你哋身边嘅时候，我哋一定好安全，我哋每日觉得最危险嘅时候就是你哋打电话俾我哋嗰阵～ and，亦都请你哋放心，每晚你哋临训前我哋亦都好乐意、好热衷、好期待打电话俾你哋，因为嗰一刻我哋真是期待咗好耐！亦为我哋接下来嘅节目增添咗一份神秘嘅安全感～晚安了，各位可爱的女士们～）
25.你要俾我知你去咗边，我唔系要check你行踪，只系如果新闻话有几名人士失踪，我要知道系唔系你。
（咁你唔好睇新闻咪得咯～）
26.行街时因发生争执我掉头就走，你可以唔使即刻氹翻我,但喺要喺我身后跟住行，直到大家心情平服先讲嘢。
27.我唔需要你对我许下关于以后嘅某种承诺，我只想你肯定你对我而家嘅感觉，因为以后嘅事无人可以预测到。
（喺依个阶段，大家都唔需要向大家承诺得太多吖～我好开心你可以明白依点～ and 你需要我肯定我对你依一刻嘅感觉（一刻钟=5分钟），OK～我可以对住牧师、竖起三只手指讲：“yes，I do，you are my sweet heart”）
28.你最好唔好有一堆女性朋友同契妹之类嘅不明物体喺身边，否则我会用行动证明俾你睇,如果我想要我都可以有一箩男性朋友同契哥加BF。
（唓～你成日都话你有好多咖啦～是是是～我信～咪好似你跌咗落海咁，成大班人冲埋嚟大哎：“救命啊，救命啊～有人跌咗落海啊～快D揾人救佢啊～”结果咪又是得我咁老实，真是跳咗落去救你～）
29.我唔喺贪心嘅人,唔一定要钻石同珍珠，就算你送易拉环盖俾我都会一样咁开心,最重要喺睇你有冇心
（嗱～我又真是唔信啊～如果我买晒玫瑰花又砌晒心形蜡烛再整埋烛光晚餐加上小提琴师喺隔离浪漫伴奏，跟住跪喺你面前打开个戒指盒，里面是只易拉罐盖掩，你唔大巴大巴咁车埋嚟我就同你挽鞋！跟住我解释补充多一句：“钻石与黄金，都唔及我对你嘅真诚与真心～”你唔锭我落街我拉你蒜脚趾！）
30.我喊嘅时候，你一定要氹我，因为我只会喺好伤心好伤心嘅时候先喊
（挑喇星～对上一次喊是因为你翻煲《冬日恋曲》见到裴勇俊，仲同我讲：“佢好惨啊～你好伤心啊～”
人哋惨（仲要是做戏～）关你咩树呢？？？？？依家你咁叻，揾裴勇俊氹翻你咯～哼～）
31.你最好有一首只系属於我嘅电话铃声。
（有，唔止一首添～有两首，唔使咁闷吖嘛～只要你一打电话嚟，星期一三五就会响起我哋嘅国歌《义勇军进行曲》：“起来，不愿做奴隶的人民，把我们的血肉筑成我们新的长城·····”星期二四六就会是一段16和弦中高音乐曲，改编自肖斯塔科维奇的C大调第七交响曲《列宁格勒》第一乐章的一个片段，曲名是《鬼子进村了》！而星期日就会是我自制嘅《义勇军进行曲》crossover《鬼子进村了》RB remix版～）
32.我发脾气cut你线，你唔使即时打翻电话俾我，但喺要发SMS俾我
（我会发条短信俾你话我有D好重要嘅嘢要同你讲，之后打俾你，讲到一半CUT翻你线）
33.如果你发我脾气逼我做D我唔想做嘅嘢，我会觉得好唔开心。
（如果有样嘢是要逼到我哋发晒烂渣你先会做嘅，你哋会唔会惗吓依样嘢对我哋是几咁重要呢？成日话爱我哋，成日话要我哋俾D诚意你哋睇吓。依家就要你表演翻了～你哋口中伟大嘅爱啊～ 仲有，你哋平时行街就鬼打都没咁精神，练就一身好武功：铁脚神仙肚+金睛火眼，非洲刚果D马拉松选手+英国特工D阻击手都没你哋咁犀利啊～好心你哋喺床上面就生猛D啦～唔好吓吓话我哋逼你～你知唔知反差咁大，我哋真是会思觉失调咖？）
34.你煮饭俾我食，就算只系一碗餐蛋面，我都会好开心噶，因为系同你一齐食。
（你煮饭，我哋够可以一齐食咯～不宜你煮啦～我唔是话唔煮啊～但是我煮嘅嘢，连我自己都唔敢食啊，我点舍得要你食啊，猪猪～）
35.我好有兴趣知你嘅恋爱史，最好由头到尾同我讲一次。
（10个男人10个向现任女朋友陈述恋爱史嘅内容都基本上一致：“我喺爱情路上一片空白，就算是间中有人嚟填补我嘅空白，我都是魂游太空，心离躯干～直至我遇到咗你，我人生先至充实起来，依家就算我去动物园睇熊猫，我都仿似睇到一条变色龙似的～多谢BEBE你令到我人生充满色彩～”报告完毕！）（你估我哋真是唔怕死嘅咩～）
36.因为爱你，我会珍惜自己，要自己身体健康，要自己开开心心，你都系。
（我唔开心是因为你激嬲我，我唔健康，是因为你打死我！我一直都好爱惜生命、珍惜自己，所以我从来都唔敢辣庆你～）（你估我哋真是唔怕死嘅咩×2）
37.好多事唔系我懒,扮唔识搵你做，而系我真系唔识。
（我哋梗是知道你真是唔识啦～但是你哋有没惗过我哋都未必识嘅呢？你估我哋真是超级万能侠啊？我哋喺你哋面前唔衰得咖嘛～明明唔识都要得得得咁应承你，跟手上网揾、打电话问、去图书馆巢～好攰咖～）
38.我希望你间唔中都会俾D小惊喜我，系「小惊喜」，唔系「大惊喜」。
（“惊奇”你哋就个个月都有，惊喜我哋成世人都唔知有没啊～仲要分大同细·····去厕所我哋就有大同细了～我哋唔是唔想俾D惊喜你啊，是我哋真是惗唔到啊～当你哋无端端发脾四，我哋都唔好过咖，我哋都是扁晒嘴好无辜咁坐喺间房到听王杰嗰首《不浪漫罪名》到天光咖～）
39.如果约咗去街我又迟到,但喺唔超过10分钟嘅你就唔好话我啦。
（你哋迟到10分钟，嚟到笑一笑，我哋就当没嘢啦！迟到20分钟，嚟到SAY声SORRY～我哋就拖住你去食寿司啦！迟到半个钟，嚟到即刻锡翻我哋一淡～我哋甜到漏添啦！所以，其实有好多嘢我哋都预咗咖了，问题就是见到面嗰一刻你哋SA霖嘅诚意咯。迟到30分钟以上，你哋揾定间酒店都得了～）
40.如果有人追你，记得同我讲，我会用扫把扫佢。[记得拒绝距]
（拒绝佢就仲有计倾～话你知就没咩可能咖了。我哋唔同你哋啊，你哋有人追，讲翻俾我哋知，是想警惕我哋要关注你哋多D，但是我哋唔需要啊，因为就算我哋一个人行紧街都成日觉得你哋好似喺天台用望远镜啤紧我哋咁啊～更何况，就算我哋并无异心，你哋都会默认我哋有咖啦～话咗俾你哋知，以后出街都可能要签VISA啊～咁都唔紧要，最惊你哋抽后算账啊，话咗俾你哋知有人追我哋，当时可能会颁翻个好孩子奖俾我哋，但跟手就捉我哋去发型屋暗塞一旧水俾个发型师要佢帮我拉个负离子之后绷辫然后电爆之后铲青～总之搞到我哋有咁样衰得咁样衰～我领教得太多了·····）
41.好遗憾我冇机会细细个就识得你，所以宜家请你俾多D时间我，俾机会我去了解你。
（沟你嗰阵我哋18般武艺都出晒啦～连喺幼稚园学D仓底货都搬埋出嚟了，你仲想了解D咩吖？你仲想了解我哋幼稚园之前？我哋幼稚园之前除咗识食奶奶同缀奶嘴，我哋咩都唔识嗰喔～）
42.我嘅学习或者比唔上你嘅重要，但我都希望你会尊重我嘅学习
（我哋可以无条件供你读到博士学位、副学士学位及大学士学位，只要你哋想读，我哋一定训身支持，但你哋要问吓自己，你哋是唔是真是好钟意学习先～定是你哋所讲嘅学习是业余Fashion Design啊？唔好个个星期买几本MILK、JOJO、MINI GIRL又话学习先得咖～）
43.最好日日同我讲「 I love you」，因为呢句说话听几多次都唔会嫌多，都唔会厌嘅，就算你唔想日日讲都要记得间唔中讲下，否则我会以为你唔再爱我。
（如果每日就是讲一次 I LOVE YOU 你就相信我是爱你嘅，我愿意每日讲100次俾你听!)
44.吾使你好爱我，只要8分，2分留翻来爱你自己。
（调翻转得唔得啊？）