资源描述
བཤེས་སྤྲིངས་རྩ་འགྲེལ།
འཕགས་པ་ཀླུ་སྒྲུབ།
罢掸︽捶敌︽伴柏半︽伴便拜︽斑﹀ 扳档︽淬﹀
སློབ་ཁྲོད་དམིགས་ཡུལ།
སློབ་ཚན་བསླབས་པ་བརྒྱུད་ནས་དོན་ལ་གོ་བ་ལོན་པའི་རྨང་གཞིའི་སྟེང་ཚིག་ཉུང་ཞིང་དོན་
ཟབ་པའི་སྒྱུ་རྩལ་མཚོན་སྟངས་ལ་ཉམས་སུ་མྱོང་དགོས།
སློབ་ཁྲིད་ཀྱི་ནང་དོན།
རྩོམ་ཡིག་འདི་ནི་མི་ལོ་ཉིས་སྟོང་ལྷག་གི་སྔོན་ལ་བརྩམས་པ་ཞིག་ཡིན་ནའང་། བརྗོད་དོན་
ད་ལྟའི་སྤྱི་ཚོགས་དང་ཤིན་ཏུ་མཐུན་ཞིང་། ལེགས་ཉེས་སྤང་བླང་གི་ཆ་དང་མིའི་སྐྱོན་ཡོན་
ལ་བརྟག་ཚུལ་གསལ་པོར་བསྟན་ཡོད་པས་བསམ་བློའི་རང་བཞིན་དང་སློབ་གསོའི་རང་
བཞིན་ངེས་ཅན་ཞིག་ལྡན།
སློབ་ཁྲིད་ཀྱི་བརྒྱུད་རིམ།
དང་པོ་། སློབ་ཚན་གྱི་ཁ་བྱང་སྒྲ་བཤད།
སློབ་མ་ཚོ། དེ་རིང་ངེད་རྣམས་པས་སློབ་སྦྱོང་བྱེད་རྒྱུའི་ནང་དོན་ནི་བཤེས་སྤྲིངས་རྩ་
འགྲེལ་ཞེས་པ་དེ་ཡིན།
གཉིས་པ་། སློབ་སྦྱོང་གི་དམིགས་ཡུལ། གསལ་བཤད་མདོར་བསྡུས།
སློབ་ཚན་དེའི་ནང་ང་ཚོས་ཤེས་རྟོགས་བྱེད་དགོས་པའི་ནང་དོན་ནི་།
སློབ་ཚན་དུ་བསྟན་པའི་བཤེས་སྤྲིངས་ཀྱི་ཤོ་ལ་ཀ་ལྔའི་བསྟན་དོན་དག་ཤེས་རྟོགས་ཡོང་བ་
མ་ཟད་དེ་དག་བློར་འཛིན་ཐུབ་པ་དགོས།
གསུམ་པ། རང་སྦྱོང་མཛུབ་སྟོན། མདོར་བསྡུས།
ཚིགས་བཅད་ཤོ་ལོ་ཀ་ལྔ་པོའི་བསྟན་དོན་ལ་བསམ་གཞིགས་གང་ལེགས་བྱེད་དགོས།
བཞི་པ། སྐབས་དང་པོའི་རང་སྦྱོང་བྱེད་དགོས་རྒྱུའི་ནང་དོན།
སྔོན་སྦྱོང་། དུས་ཡུན་སྐར་མ་ལྔ་ཙམ་གྱི་ནང་ལེགས་གྲུབ་བྱ་རྒྱུ།
ཚིགས་བཅད་ཤོ་ལོ་ཀ་དང་པོ་བསྟན་དོན་ལ་གོ་བ་ལེན་ཐུབ་པ་དགོས།
མཛུབ་སྟོན་། སློབ་མས་གསལ་པོ་མི་བྱུང་བའི་གནས་རྣམས་འགྲེལ་བཤད་བྱེད་པ།
རྒྱན་པོ་འགྱེད་པ་དང་། འདུས་ལ་ལྟ་བ། ལེ་ལོ། སྡིག་པ། ཆང་། མཚན་མོ་རྒྱུ་བ་སོགས་དྲུག་
པོ་ནི་གྲགས་པ་ཉམས་པར་འགྱུར་བའི་རྒྱུ་ཡིན་པས་དེ་དག་སྤང་དགོས་ཚུལ་བསྟན།
ལྔ་པ་། སྐབས་གཉིས་པའི་རང་སྦྱོང་བྱེད་དགོས་རྒྱུའི་ནང་དོན།
སྔོན་སྦྱོང། དུས་ཡུན་སྐར་མ་ལྔ་ཙམ་གྱི་ནང་ལེགས་གྲུབ་བྱ་རྒྱུ།
ཚིགས་བཅད་ཤོ་ལོ་ཀ་གཉིས་པའི་གནས་ལུགས་ཅི་འདྲ་བསྟན་འདུག་གམ།
མཛུབ་སྟོན་། སློབ་མས་གསལ་པོ་མི་བྱུང་བའི་གནས་རྣམས་འགྲེལ་བཤད་བྱེད་པ།
རྒོད། འགྱོད་པ། གནོད་སེམས། རྨུགས་པ། གཉིད། འདུན་པ། ཐེ་ཚོམ། སོགས་ནི་དགེ་བའི་
ནོར་འཛོམས་ཤིང་འཕྲོག་པར་བྱེད་པའི་ཆོམ་རྐུན་ལྟ་བུ་ཡིན་པས་སྤང་དགོས་སོ།
དྲུག་པ། སྐབས་གསུམ་པའི་རང་སྦྱོང་བྱེད་དགོས་རྒྱུའི་ནང་དོན།
སྔོན་སྦྱོང། དུས་ཡུན་སྐར་མ་ལྔ་ཙམ་གྱི་ནང་ལེགས་གྲུབ་བྱ་རྒྱུ།
ཚིགས་བཅད་ཤོ་ལོ་ཀ་གསུམ་པའི་ནང་དོན་གང་ཞིག་བསྟན་འདུག་གམ།
མཛུབ་སྟོན་། སློབ་མས་གསལ་པོ་མི་བྱུང་བའི་གནས་རྣམས་འགྲེལ་བཤད་བྱེད་པ།
ནོར་ལོངས་སྤྱོད་སོགས་རྙེད་ན་དགའ་བ་དང་། མ་རྙེད་ན་མི་དགའ་བ། བདེ་བ་བྱུང་ན་
དགའ་བ་དང་། མི་བདེ་བ་སྡུག་བསྔལ་བྱུང་ན་མི་དགའ་བ། རང་ལ་གཏམ་སྙན་ཐོས་ན་
དགའ་བ་དང་། སྨད་ར་གཏོང་མཁན་བྱུང་ན་མི་དགའ་བ་བཅས་འདོད་པའི་ཕྱོགས་
བཞི་དང་མི་འདོད་པའི་ཕྱོགས་བཞི་རྣམས་བརྒྱད་ལ་འཇིག་རྟེན་གྱི་ཆོས་བརྒྱད་ཅེས་བགྱི་བ་
ཡིན་པས། བརྒྱད་པོ་དེ་དག་ལ་རང་གི་དགའ་བའི་ཡུལ་དང་། མི་དགའ་བའི་ཡུལ་གཉིས་ལ་
ཆགས་སྡང་གིས་རིས་སུ་བཅད་པ་མིན་པར་མགོ་སྙོམས་པར་མཛོད་ཅིག་ཅེས་བསྐུལ་བའོ།
བདུན་པ་། སྐབས་བཞི་པའི་རང་སྦྱོང་བྱེད་དགོས་རྒྱུའི་ནང་དོན།
སྔོན་སྦྱོང། དུས་ཡུན་སྐར་མ་ལྔ་ཙམ་གྱི་ནང་ལེགས་གྲུབ་བྱ་རྒྱུ།
ཚིགས་བཅད་ཤོ་ལོ་ཀ་བཞི་པའི་ནང་དོན་ཅི་ཞིག་བསྟན་འདུག་གམ།
མཛུབ་སྟོན་། སློབ་མས་གསལ་པོ་མི་བྱུང་བའི་གནས་རྣམས་འགྲེལ་བཤད་བྱེད་པ།
སེར་སྣ་དང་། གཡོ་སྒྱུ། ཆགས་སྡང་། སྙོམ་ལས། ང་རྒྱལ། འདོད་ཆགས། ཞེ་སྡང་སོགས་ནི་
རང་ཉིད་ཀྱི་ཡོན་ཏན་གོང་ནས་གོང་དུ་འཕེལ་དུ་འགྲོ་བ་ལ་ཤིན་ཏུ་གནོད་པས་དེ་དག་
དགྲ་བོ་བཞིན་དུ་འཛིན་ནས་སྤོང་དགོས་སོ་ཞེས་སྐུལ་ལོ།
བརྒྱད་པ་། སྐབས་ལྔ་པའི་རང་སྦྱོང་བྱེད་དགོས་རྒྱུའི་ནང་དོན།
སྔོན་སྦྱོང། དུས་ཡུན་སྐར་མ་ལྔ་ཙམ་གྱི་ནང་ལེགས་གྲུབ་བྱ་རྒྱུ།
ཚིགས་བཅད་ཤོ་ལོ་ཀ་ལྔ་པའི་ནང་དོན་ཅི་ཞིག་བསྟན་འདུག་གམ།
མཛུབ་སྟོན་། སློབ་མས་གསལ་པོ་མི་བྱུང་བའི་གནས་རྣམས་འགྲེལ་བཤད་བྱེད་པ།
མི་རྣམས་ཀྱི་ནང་བསམ་པ་དང་ཕྱིའི་སྤྱོད་པ་གཉིས་མཐའ་གཅིག་ཏུ་མཚུངས་པ་དང་མི་
མཚུངས་པ་སྣ་ཚོགས་ཡོད་པ་ཡིན་ཏེ། མིའི་གཤིས་རྒྱུད་དང་རང་བཞིན་ལ་ལེགས་པར་
བརྟག་དགོས་ཚུལ་གྱི་བསླབ་བྱ་དང་གནས་ལུགས་ཟབ་མོ་བསྟན་ཡོད།
དགུ་པ། སློབ་ཁྲིད་རྗེས་ཀྱི་སྦྱོང་བརྡར་།
ད་ལྟ་སྦྱངས་ཟིན་པའི་ཤེས་བྱ་རྣམས་ལམ་སེང་བེད་སྤྱད་ནས་སློབ་ཚན་རྗེས་ཀྱི་སྦྱོང་གཞི་
ལེགས་གྲུབ་བྱེད་ཐུབ་པ་དགོས་ལ། འགྲེལ་ཡོད་དྲི་བ་འདྲི་ལན་ཁག་ལ་ལན་འདེབས་ཐུབ་
པ་དགོས་སོ།
展开阅读全文
浙ICP备2021020529号-1 | 浙B2-20240490 
