©2010-2026 宁波自信网络信息技术有限公司 版权所有
客服电话：0574-28810668 投诉电话：18658249818
浙ICP备2021020529号-1 | 浙B2-20240490
关注我们 ：
1、༤ ནན་ཅིན་འབྲི་ཆུའི་ཟམ་ཆེན། ◎ སློབ་ཁྲིད་ཀྱི་དམིགས་རེ། ཤེས་བྱ་དང་ནུས་རྩལ། ༡ སློབ་ཚན་གྱི་མིང་དང་ཚིག་གསར་དག་དོན་ཤེས་པ་དང་། འབྲི་ཤེས་པ། ཀློག་ཤེས་པ་བྱ་རྒྱུ། ༢ སྒྲ་དག་ཅིང་གཅོད་མཚམས་འགྲིག་པའི་སྒོ་ནས་སློབ་ཚན་ཀློག་ཤེས་པ་དང་ཚིག་དོན་ལ་གོ་བ་ལེན་ཐུབ་པའི་ རྨང་གཞིའི་ཐོག་སློབ་ཚན་གྱི་བརྗོད་སྙིང་ཕྱོགས་སྡུས་བྱེད་ཤ
2、ེས་པ་དགོས། ༣ རྩོམ་པ་པོས་ཟམ་པའི་ཁྱད་ཆོས་སོགས་ལ་ལྟ་ཞིབ་ཇི་ལྟར་བྱས་པ་དང་། ཡིག་ཐོག་ཏུ་ཇི་ ལྟར་བྲིས་ཡོད་ཚུལ་སོགས་ཤེས་པ་བྱེད་དགོས། བརྒྱུད་རིམ་དང་ཐབས་ཤེས། ༡ སློབ་ཚན་ཁྲོད་ཀྱི་གོ་དཀའི་ཚིག་དུམ་གྱི་ནང་དོན་ལ་གོ་བ་ལོན་ཐབས་བྱས་ནས་བརྗོད་དོན་ཤེས་རྟོགས་ལ་རམ་ འདེགས་བྱ་རྒྱུ། ༢ ནན་ཅིན་འབྲི་ཆུའི་ཟམ་ཆེན་གྱི་པར་རིས་
3、བསྟན་ནས་དེའི་བཟོ་སྐྲུན་གྱི་ཁྱད་ཆོས་སོགས་ལ་ལྟ་ཞིབ་བྱེད་དུ་བཅུག་ ཏེ་སློབ་ཚན་གྱི་ནང་དོན་ཤེས་སུ་འཇུག་རྒྱུ། ༣ མཚར་སྣང་ལྡན་པའི་དྲི་བ་འདོན་ཐབས་སྤྱད་དེ་སློབ་མའི་བསམ་གཞིགས་ཀྱི་ནུས་པ་གསོ་སྐྱོང་བྱ་རྒྱུ། ཚོར་འདུའི་རྣམ་འགྱུར་དང་རིན་ཐང་གི་ལྟ་བ། ཟམ་པའི་བཟོ་བཀོད་དང་། བརྗིད་ཉམས། བརྟན་བརླིང་བཅས་ཀྱི་ཁྱད་ཆོས་གཞིར་
4、བཟུང་ནས་སློབ་མས་ཟམ་སྐྲུན་བྱེད་མཁན་གྱི་ཤེས་རབ་དང་འཇོན་ཐང་ལ་རྗེས་སུ་ཡིད་རངས་བྱས་ཐོག་རང་རྒྱལ་མི་དམངས་ཀྱི་བློ་གྲོས་དང་སྙིང་སྟོབས་ལ་སྤོབས་པ་སྐྱེ་ཞིང་སློབ་སྦྱོང་ཞུ་བའི་བསམ་པ་སྐྱེད་སྲིང་ཐུབ་པ་བྱེད་དགོས། ◎ སློབ་ཁྲིད་ཀྱི་དཀའ་གནད་དང་གཙོ་གནད། དཀའ་གནད། སློབ་ཚན་གྱི་ནང་དོན་ཤེས་རྟོགས་ཐུབ་པ་བྱས་ཏེ་སློབ་མ་སོ་སོའི
5、་ཚོར་འདུའི་རྣམ་འགྱུར་དང་རིན་ཐང་གི་ལྟ་བ་གསོ་སྐྱོང་ཡོང་ཐབས་བྱ་རྒྱུ་ནི་སློབ་ཁྲིད་ཀྱི་དཀའ་གནད་ཡིན། གཙོ་གནད། མིང་དང་ཚིག་གསར་གྱི་དག་དོན་ཤེས་པའི་རྨང་གཞིའི་ཐོག་རྒྱུན་གཏན་གྱི་འཚོ་བའི་ནང་སྤྱོད་ཐུབ་རྒྱུར་སྣེ་འཁྲིད་ བྱ་རྒྱུ་དང་། སློབ་ཚན་ཁྲོད་ཀྱི་གོ་དཀའི་ཚིག་དོན་ལ་གོ་བ་བླངས་ནས་ནང་དོན་གཙོ་བོ་ཤེས་རྟོགས་ཐུབ་ཐབས་བ
6、ྱ་ རྒྱུ་མ་ཟད། ཟམ་པའི་བཟོ་སྐྲུན་གྱི་ཁྱད་ཆོས་ཤེས་རྟོགས་བྱ་རྒྱུ་བཅས་ནི་སློབ་ཁྲིད་ཀྱི་གཙོ་གནད་ཡིན། ◎ སློབ་ཁྲིད་ཀྱི་ཐབས་ཤེས། དྲི་བ་འདོན་པ་དང་བགྲོ་གླེང་། རི་མོར་ལྟ་བ་དང་འཆད་འཁྲིད། ◎ ཚོགས་ཐུན་བཀོད་སྒྲིག ཚོགས་ཐུན་གཉིས་སྤྱོད་རྒྱུ། ◎ སློབ་ཁྲིད་ཀྱི་བརྒྱུད་རིམ། ཚོགས་ཐུན་དང་པོ། སློབ་ཚུགས་སྒྲིག་འཛུགས།
7、 དགེ་རྒན། སློབ་ཚན་ཚུགས། སློབ་ཕྲུག རྒན་ལགས་སྐུ་ཁམས་བཟང་། དགེ་རྒན། སློབ་ཕྲུག་ཚོ་སྐུ་ཁམས་བཟང་། མར་ཞུགས། གསར་འདྲེན། ཐོག་མར་དགེ་རྒན་གྱིས་ནན་ཅིན་འབྲི་ཆུའི་ཟམ་པའི་པར་རིས་བསྟན་ནས་དེའི་ཕྱིའི་བཟོ་ སྐྲུན་གྱི་ཁྱད་ཆོས་ལ་ལྟ་ཞིབ་མདོར་བསྡུས་ཤིག་བྱེད་དུ་བཅུག་སྟེ་སློབ་ཕྲུག་སོ་སོའི་ལྟ་ཚུལ་གླེང་དུ་ བཅུག་སྟེ
8、་གདེང་འཇོག་བྱེད་དགོས་པ། ནན་ཅིན་འབྲི་ཆུའི་ཟམ་ཆེན་ཞེས་པའི་སློབ་ཚན་དེ་གྱེར་ཀློག་བྱེད་དུ་འཇུག་དགོས། སློབ་ཚན་དངོས་ལ་འཇུག་པ། གཅིག མིང་དང་ཚིག་གསར་གྱི་གོ་དོན་ཤེས་རྟོགས། ༡ སློབ་ཚན་གྱི་ཁྲོད་དུ་མིང་དང་ཚིག་གསར་དེ་དག་བེད་སྤྱོད་ཇི་ལྟར་བྱས་ཡོད་ཚུལ་གྱི་ཚིག་ དུམ་འཚོལ་བ། （སློབ་མ་སོ་སོར་འཚོལ་དུ་འཇུག་དགོས་པ་དང་གོ་
9、དོན་ཤེས་ཐུབ་མིན་བརྟག་པ） ༢ དགེ་རྒན་གྱིས་སློབ་མས་བཙལ་བའི་ཚིག་དུམ་དང་འབྲེལ་བ་བྱས་ཏེ་མིང་དང་ཚིག་གསར་གྱི་གོ་དོན་གསལ་ འགྲེལ་བྱེད་པ། འབྲི་ཆུ། -- རང་རྒྱལ་གྱི་ཆུ་བོ་ཨང་དང་པོ། མཐའ་ཡས། -- ཧ་ཅང་རྒྱ་ཆེ་བའི་དོན། མུ་མཐའ་མེད་པའི་དོན། འཁྲིགས། -- འཐིབས་པའི་དོན། ནམ་མཁའ་སྤྲིན་གྱིས་འཁྲིགས། འཚེར། -- འོད་འཕྲོ་བ
10、འི་དོན། ཉི་འོད་འཚེར་ལྟ་བུ། འཕྱུར། -- ཆུ་སོགས་ཡར་ལྡིང་བའི་དོན། རབ་རླབས་ལང་ལོང་དུ་འཕྱུར་ལྟ་བུ། བཏུལ། -- དགྲ་བོ་སོགས་ཕམ་པར་བྱས་པའི་དོན། ༣ སློབ་ཚན་བཀླགས་ནས་ད་དུང་གོ་བ་མི་ལོན་པའི་མིང་དང་ཚིག་གསར་འཚོལ་དགོས། ཟམ་མི་ཆད་པ། -- རྒྱུན་མི་ཆད་པ། མཚམས་མི་ཆད་པ། ངག་ཐོག་གི་བརྗོད་པ་བཟོ་རུ་འཇུག་པ། བཙན་（ཙན）རྫོ
11、ང་། -- གཞན་གྱིས་རྒོལ་དཀའ་བའི་མཁར་བཙན་པོ། སྐུ་（རྐུ）བརྙན། -- འདྲ་སྐུ། སྣང་བརྙན། འཇིམ་བརྙན（སྙན） -- འདམ་བག་གིས་བཟོས་པའི་སྐུ་བརྙན། གཅིག་ལངས་གཅིག་འཇགས། --གཅིག་མཇུག་གཉིས་མཐུད་དང་དོན་གཅིག ངག་ཐོག་གི་བརྗོད་པ་བཟོ་རུ་འཇུག་པ། ༤ མཉམ་འགྲོས་ཀྱི་ཤོག་གྲངས་བཅུ་པའི་དྲི་བ་་དང་པོ་དང་གཉིས་པ་འབྲི་རུ་འཇུག་དགོས། གཉིས།
12、 ཁྱིམ་སྦྱོང་བཀོད་སྒྲིག （དགེ་རྒན་སོ་སོས་དངོས་ཡོད་ཀྱི་གནས་ཚུལ་ལ་གཞིག་དགོས） སློབ་ཚན་ཀློག་ནས་ཟམ་པའི་བཟོ་སྐྲུན་གྱི་ཁྱད་ཆོས་སོགས་ཇི་ལྟར་བཀོད་འབྲི་བྱས་ཡོད་པ་ ཤེས་པ་བྱེད་དགོས། ནག་པང་འཆར་འགོད། ༤ ནན་ཅིན་འབྲི་ཆུའི་ཟམ་ཆེན། མིང་དང་ཚིག་གསར་གྱི་གོ་དོན། འབྲི་ཆུ། -- རང་རྒྱལ་གྱི་ཆུ་བོ་ཨང་དང་པོ། མཐའ་ཡས། -- ཧ་
13、ཅང་རྒྱ་ཆེ་བའི་དོན། མུ་མཐའ་མེད་པའི་དོན། འཁྲིགས། -- འཐིབས་པའི་དོན། ནམ་མཁའ་སྤྲིན་གྱིས་འཁྲིགས། འཚེར། -- འོད་འཕྲོ་བའི་དོན། ཉི་འོད་འཚེར་ལྟ་བུ། འཕྱུར། -- ཆུ་སོགས་ཡར་ལྡིང་བའི་དོན། རྦ་རླབས་ལང་ལོང་དུ་འཕྱུར་ལྟ་བུ། བཏུལ། -- དགྲ་བོ་སོགས་ཕམ་པར་བྱས་པའི་དོན། ཟམ་མི་ཆད་པ། -- རྒྱུན་མི་ཆད་པ། མཚམས་མི་ཆད་པ།
14、བཙན་རྫོང་། -- གཞན་གྱིས་རྒོལ་དཀའ་བའི་མཁར་བཙན་པོ། （ཙན） སྐུ་བརྙན། -- འདྲ་སྐུ། སྣང་བརྙན། （རྐུ） （སྙན） འཇིམ་བརྙན། -- འདམ་བག་གིས་བཟོས་པའི་སྐུ་བརྙན། གཅིག་ལངས་གཅིག་འཇགས། --གཅིག་མཇུག་གཉིས་མཐུད་དང་དོན་གཅིག ཚོགས་ཐུན་གཉིས་པ། སློབ་ཚུགས་སྒྲིག་འཛུགས། དགེ་རྒན། སློབ་ཚན་ཚུགས། སློབ་ཕྲུག རྒན་ལགས་སྐུ་ཁམས
15、་བཟང་། དགེ་རྒན། སློབ་ཕྲུག་ཚོ་སྐུ་ཁམས་བཟང་། མར་ཞུགས། བསྐྱར་སྦྱོང་དང་གསར་འདྲེན། ཚོགས་དུས་གོང་མར་ང་ཚོས་ནན་ཅིན་འབྲི་ཆུའི་ཟམ་ཆེན་ཞེས་པའི་སློབ་ཚན་དེའི་མིང་དང་ཚིག་གསར་རྣམས་སློབ་སྦྱོང་བྱས་ཟིན། འོ་ན་སློབ་ཕྲུག་ཚོས་མིང་དང་ཚིག་གསར་དེ་དག་དྲན་ གསོས་ཀྱི་ཚུལ་དུ་སྦྱང་དེབ་ཐོག་འབྲི་ཐུབ་པ་འདུག་གམ། （སློབ་མ་སོ་ས
16、ོའི་ནུས་པར་དཔགས་ནས་འབྲི་རུ་འཇུག་དགོས） སློབ་ཚན་དངོས་ལ་འཇུག་པ། དབྱེ་ཞིབ། སློབ་ཕྲུག་ཚོས་སློབ་ཚན་དེ་ཡང་བསྐྱར་ཐེངས་ཤིག་ཀློག་དང་། སློམ་ཚན་དེར་དུམ་བུ་ག་ཚོད་འདུག སློབ་ཚན་དེའི་ནང་བྲིས་པའི་ཟམ་ཆེན་དེའི་མིང་ལ་གང་ཟེར་གྱི་འདུག ཟམ་ཆེན་དེར་ཁྱད་ཆོས་གང་འདུག དེ་རིང་ང་ཚོས་མཉམ་དུ་ཟམ་ཆེན་དེར་བཟོ་སྐྲུན་གྱི་ཁྱད་ཆོས་
17、གང་ཡོད་སྐོར་ལ་སློབ་སྦྱོང་ཞིག་བྱེད་ཀྱི་ཡིན། ཞེས་སློབ་ཚན་གྱི་ཁ་བྱང་ནག་སྟེང་དུ་འབྲི་དགོས། དུམ་བུ་དང་པོ། （སློབ་ཕྲུག་ཚོས་མཉམ་དུ་ཀློག་དང） དྲི་བ་འདི་དག་འཆར་འགོད་བྱས་ནས་དབྱེ་ཞིབ་བྱེད་དགོས། ༡ ཞོགས་པ་ང་ནན་ཅིན་འབྲི་ཆུའི་ཟམ་ཆེན་ལ་ལྟ་བར་ཕྱིན་པ་ཡིན། ཞེས་པའི་ཚིག་དུམ་དེས་དོན་གང་ཞིག་བཤད་འདུག དུས་ཚོད་དང་། གནས
18、། མི་སྣ། བྱ་བ་སོགས་གསལ་པོར་བཤད་འདུག ༢ འོ་ན་དུས་ཚོད་དང་གནས། མི་སྣ་བྱ་བ་གང་ཡིན་འདུག དུས་ཚོད་ནི་ཞོགས་པ་ཡིན་པ་དང་། གནས་ནི་ནན་ཅིན་འབྲི་ཆུའི་ཟམ་ཆེན་ཡིན་པ། མི་སྣ་ནི་ང་ཡིན་པ། བྱ་བ་ནི་ལྟ་བར་ཕྱིན་པ་བཅས་ཡིན་འདུག ༣ ཐོག་མར་རྩོམ་པ་པོས་ཟམ་པ་བྲིས་འདུ་གམ། ཡང་ན་གང་ཞིག་བྲིས་འདུག ཐོག་མར་རྩོམ་པ་པོས་གནམ་གཤིས་
19、ཀྱི་གནས་ཚུལ་བྲིས་པ་དང་དེ་རྗེས་ཟམ་ཆེན་ལ་བལྟས་ པའི་མཐོང་སྣང་བྲིས་འདུག ༤ འོ་ན་གནམ་གཤིས་ཀྱི་གནས་ཚུལ་གང་འདྲ་ཡིན་འདུག ནམ་མཁའ་ནི་མུ་མཐའ་མེད་པ་དང་། སྤྲིན་དཀར་འཁྲིགས་ཡོད་པ། དྲོ་ཞིང་སྐྱིད་པའི་ཉི་ འོད་ཀྱང་འཚེར་བཞིན་ཡོད་པ་བྲིས་འདུག ༥ ཐོག་མར་རྩོམ་པ་པོས་གནམ་གཤིས་ཀྱི་གནས་ཚུལ་བྲིས་པ་དང་དེ་རྗེས་ཟམ་ཆེན་ལ་བལྟས་
20、པའི་མཐོང་སྣང་བྲིས་ པ་དེ་ལས་འབྲི་སྟངས་ཀྱི་གོ་རིམ་གང་ཞིག་སྤྱད་པ་མཚོན་ཐུབ། རྒྱང་བ་ནས་ཉེ་བའི་གོ་རིམ་གྱི་འབྲི་སྟངས་སྤྱད་པ་ཤེས་ཐུབ། ༦ འོ་ན་ཟམ་པའི་བཟོ་བཀོད་ཀྱི་ཁྱད་ཆོས་གང་འདྲ་ཡིན་འདུག བརྗིད་ཉམས་ལྡན་པ། མཛེས་སྡུག་ལྡན་པ། སྲ་ཞིང་བརྟན་པའི་ཟམ་སྟེགས་དགུ་ཡིས་ བཏེགས་ཡོད་པ། ཟམ་མིག་ཉེར་གཉིས་ཡོད་པ། སྐམ་སའ
21、ི་ཟམ་སྣེ་གཉིས་དང་འབྲེལ་ཡོད་པ་ སོགས་ཀྱི་ཁྱད་ཆོས་ལྡན་འདུག ༧ རྒྱང་རིང་ནས་བལྟས་ན་ཟམ་ཆེན་དེ་གང་འདྲ་ཞིག་ཡིན་འདུག ལྕགས་ཀྱི་འབྲུག་ཆེན་པོ་ཞིག་གཙང་པོའི་འཕྲེད་དུ་ཉལ་བ་དང་འདྲ་པོ་འདུག ༨ རྒྱང་རིང་ནས་བལྟས་ན་ནན་ཅིན་འབྲི་ཆུའི་ཟམ་ཆེན་དེ་ནི་ལྕགས་ཀྱི་འབྲུག་ཆེན་ཞིག་གཙང་ པོའི་འཕྲེད་དུ་ཉལ་བ་དང་ཀུན་ནས་མཚུངས། ཞེས་པའ
22、ི་ཚིག་དུམ་དེའི་དཔེ་དོན་དབྱེ་བ་འབྱེད་དགོས། ༩ ཟམ་པའི་སྒྲིག་གཞི་ཇི་ལྟར་བྲིས་འདུག དེས་ཟམ་པའི་གང་ཞིག་གསལ་བཤད་བྱས་འདུག ཟམ་ཆེན་དེ་སྟེང་འོག་རིམ་པ་གཉིས་ལས་གྲུབ་ཡོད་པ་བྲིས་འདུག དེས་ཟམ་པའི་མཐོ་ཚད་ གསལ་བཤད་བྱས་འདུག ༡༠ ཟམ་པའི་འོག་ཤོད་ནི་མེ་འཁོར་གྱི་ལྕགས་ལམ་ཡིན་པ་དང་། སྟེང་ནི་གཞུང་ལམ་ཡིན་ཅེས་ པས་གང་ཞིག་གསལ
23、་བཤད་བྱས་ཡོད། དེས་ཟམ་པའི་མཐོ་ཚད་གསལ་བཤད་བྱས་འདུག ༡༡ ཡངས་ཤིང་རྒྱ་ཆེ་བའི་གཞུང་ལམ་ཐོག་ཏུ་མི་དང་མོ་ཏྲ་ཟམ་མི་ཆད་པར་ཕར་འགྲོ་ཚུར་འོང་ བྱེད་བཞིན་འདུག ཅེས་པའི་ཚིག་ཟིན་ལས་དོན་གང་ཞིག་གསལ་བཤད་བྱས་ཡོད། དེས་ཟམ་ཆེན་གྱི་བྱེད་ནུས་གསལ་བཤད་བྱས་ཡོད། ༡༢ དུམ་བུ་དང་པོའི་ནང་རྩོམ་པ་པོས་གཙོ་བོའི་ནང་དོན་གང་ཞིག་བྲིས་འདུག
24、 རྒྱང་རིང་ནས་ཟམ་ཆེན་ལ་བལྟས་པའི་མཐོང་སྣང་བྲིས་འདུག མཉམ་འགྲོས་ཀྱི་ཤོག་གྲངས་༡༡པའི་དྲི་བ་༥ ༦ གཉིས་བྲིས་དང་། དུམ་བུ་གཉིས་པ། （སློབ་ཕྲུག་ཚོས་མཉམ་དུ་ཐེངས་ཤིག་ཀློག་དང） དྲི་བ་འདི་དག་འཆར་འགོད་བྱས་ནས་དབྱེ་ཞིབ་བྱེད་དགོས། ༡ དུམ་བུ་འདིའི་ནང་གཙོ་བོའི་ནང་དོན་གང་ཞིག་བཤད་འདུག ཉེ་འགྲམ་ནས་ཟམ་པར་བལྟས་པའི་སྣང་ཚུལ་
25、བྲིས་འདུག ༢ རྩོམ་པ་པོས་ཉེ་འགྲམ་ནས་ཟམ་པའི་སྣང་ཚུལ་གང་དག་མཐོང་ཐོས་བྱུང་འདུག དེ་དག་ལ་ ཁྱད་ཆོས་གང་འདུག （གྲོས་བསྡུར་བྱེད་དུ་བཅུག་ནས་ཐག་གཅོད་བྱེད་དགོས） མཐོང་བ་ནི། བཟོ་ཞིང་དམག་གི་འཇིམ་བརྙན། （བརྗིད་ཉམས་ལྡན་པ） ཟམ་སྣེའི་བཙན་རྫོང་། （མཐོ་ཞིང་ཆེ་བ） བཙན་རྫོང་ཐོག་གི་དར་དམར། （མཛེས་ཤིང་ཡིད་དུ་འོང་བ）
26、 ཟམ་གཞུང་གི་གཡས་གཡོན། （ཧ་ཅང་དྲང་བ） གློག་སྒྲོན་གྱི་ཀ་བ། （གྲལ་བསྟར་འགྲིག་པ） གཙང་པོའི་ཐོག་གི་འཁོར་གྲུ། （ཕར་འགྲོ་ཚུར་འོང་བྱེད་བཞིན་པ） ཐོས་པ་ནི། རྐང་འོག་ནས་མེ་འཁོར་གྱི་ལྡིར་སྒྲ། རླངས་འཁོར་གྱི་དུང་བརྡ། ༣ ཉེ་འགྲམ་ནས་ཡིན་པ་སློབ་ཚན་གྱི་ཚིག་ཟིན་གང་དག་ལས་ཤེས་ཐུབ། （སློབ་ཕྲུག་ཕན་ཚུན་
27、གྲོས་བསྡུར་བྱེད་དུ་བཅུག་ནས་ཐག་གཅོད་བྱེད་དགོས） ངས་ཟམ་པའི་ཉེ་འགྲམ་དུ་ཕྱིན་པས་ཞེས་པ་དང་། ངས་ཟམ་ཆེན་གྱི་ལན་ཀན་ལ་བརྙེས་ཏེ་ ཞེས་པ་སོགས་ཀྱི་ཚིག་ཟིན་ལས་ཤེས་ཐུབ། ༤ ཟམ་གཞུང་གི་གཡས་གཡོན་གཉིས་དཔེ་གང་ལ་བཀོད་འདུག དཔེ་མདའ་ལ་བཀོད་འདུག ༥ ཟམ་གཞུང་གི་གཡས་གཡོན་གཉིས་དཔེ་མདའ་ལ་བཀོད་དོན་གང་ཡིན། ཟམ་གཞུང་ཧ་ཅམ་དྲང་པ
28、ོ་ཡོད་པ་གསལ་བཤད་བྱེད་པའི་ཆེད་དུ་ཡིན། ༦ གཙང་པོའི་ཐོག་གི་འཁོར་གྲུ་དེ་དག་དཔེ་གང་ལ་བཀོད་འདུག ཆུ་ཁར་གཡེང་བའི་ལོ་མར་བཀོད་འདུག དུམ་བུ་གསུམ་པ། （སློབ་ཕྲུག་ཚོས་མཉམ་དུ་ཀློག་དང） དྲི་བ་འདི་དག་འཆར་འགོད་བྱེད་དགོས། ༡ དུམ་བུ་འདིའི་ནང་གི་བྱ་ཚིག་དག་ལ་རྟགས་རྒྱོབས་དང་། འཕྱུར། རྒྱུགས། བརྒལ། བཏུལ། སྦྲེལ།
29、བཅས་ཡིན། ༢ དུམ་བུ་འདིའི་ནང་གཙོ་བོའི་ནང་དོན་གང་ཞིག་བཤད་ཡོད། རྩོམ་པ་པོས་ཟམ་ཆེན་ལ་བལྟས་རྗེས་ཀྱི་མྱོང་བ་བྲིས་འདུག ༣ འོ་ན་རྩོམ་པ་པོར་མྱོང་བ་ཅི་འདྲ་ཞིག་བྱུང་འདུག གནའ་དུས་འབྲི་ཆུ་དེ་གཙང་པོ་ཕར་རོལ་དང་ཚུར་རོལ་གྱི་འགྲིམ་འགྲུལ་དང་ཉམས་མྱོང་ བརྗེ་རེས་བྱེད་པའི་བགེགས་ཡིན་ཚུལ་ལ་དྲན་གསོ་བྱུང་བ་དང་། ད་ཆ་ཚན་རིག
30、་ལག་རྩལ་གོང་དུ་འཕེལ་བར་བརྟེན་ནས་གཙང་པོ་ཕར་རོལ་དང་ཚུར་རོལ་གྱི་འགྲིམ་འགྲུལ་དང་ ཉམས་མྱོང་བརྗེ་རེས་བྱེད་པར་སྟབས་བདེ་སྐྲུན་ཡོད་པར་དགའ་ཞེན་གྱི་བསམ་པ་མཚོན་པར་བྱས་འདུག ༤ བཏུལ་ཟེར་ན་དགྲ་བོ་སོགས་ཕམ་པར་བྱས་པའི་དོན་ཡིན་ན་ཆུ་བོ་ཟམ་ཆེན་གཅིག་གིས་བཏུལ་ཞེས་པའི་བཏུལ་ གྱི་གོ་དོན་གང་ཡིན། （བསམ་གྲོས་བསྡུར་དུ་འཇུག་དགོས）
31、 སློབ་དེབ་ཀྱི་དྲི་བ་དང་པོ། གསུམ་པ་འབྲི་དགོས། （ཕན་ཚུན་གྲོས་བསྡུར་བྱས་ནའང་འགྲིག） ནག་པང་འཆར་འགོད། ༤ ནན་ཅིན་འབྲི་ཆུའི་ཟམ་ཆེན། དབྱེ་ཞིབ། གནམ་གཤིས་ལེགས་པ། སྤྲིན་དཀར་འཁྲིགས་པ། དྲོ་སྐྱིད་ཀྱི་ཉི་འོད་འཕྲོས། སྲ་བརྟན་གྱི་ཟམ་སྟེགས་དགུ།
32、ཟམ་ཆེན་གྱི་བརྗིད་ཉམས། རྒྱང་ནས་ ཟམ་མིག་ཉེར་གཉིས་ལས་གྲུབ། མཐོང་བའི་ སྟེང་དུ་གཞུང་ལམ་ཡིན་པ། སྣང་ཚུལ། འོག་ཤོད་ལྕགས་ལམ་ཡིན་པ། གཡས་གཡོན་དུ་མི་འགྲོ་ས་ཡིན། ནན་ བཟོ་ཞིང་དམག ཟམ་སྣེའི་བཙན་རྫོང་། ཉེ་ས་ནས་མཐོང་བ། ཅིན་ ཉེ་ས་ནས
33、་ དར་དམར། ཟམ་གཞུང་གི་གཡས་གཡོན། འབྲི་ མཐོང་ཐོས་ གློལ་སྒྲོན་གྱི་ཀ་བ། ཆུའི་ བྱུང་བའི་ གཙང་པོའི་ཐོག་གི་འཁོར་གྲུ། ཉེ་ས་ནས་ཐོས་པ། ཟམ་ སྣང་ཚུལ། མེ་འཁོར་གྱི་ལྡིར་སྒྲ། ཆེན། མེའཁོར་གྱི་དུང་བརྡ། སྔོན་ཆད། （འབྲི་ཆུ་ནི་བགེགས་ཡིན་པ） རྩོམ་པ་པོའི་ མྱོང་ཚོར། ད་ལྟ། （ཟམ་ཆེན་གྱིས་སྟབས་བདེ་སྐྲུན་པ） སློབ་ཁྲིད་རྗེས་ཀྱི་མྱོང་ཚོར།
©2010-2026 宁波自信网络信息技术有限公司 版权所有
客服电话：0574-28810668 投诉电话：18658249818
浙ICP备2021020529号-1 | 浙B2-20240490
关注我们 ：
