粤语能力考试试题.doc

一、 粤拼题：5题 每题1分 ，共5分
1、心口翳住翳住，好唔舒服。 答案： A
A：ai3　　　　B：ei3 　　　　C：aai3 　　　D：jai3　　

2、你咪成日juk1手juk1脚。 答案： A
A：喐 　 　 B：郁 　　C：旭 　 D：动

3、 tau2顺条气慢慢嚟。 答案： C
A：投 　　 B：透 　　 C：唞 　 D：抖

4、唔忿气 答案： D
A：fen4 qi4　 B：fang6 hai3 C：fan5 hei3 D：fan6 hei3

5、同你讲都saai1气。 答案： B
A.：晒　　　 B.：嘥　　 　　 C.：徙 D：嗮

二、 词汇，时态题：20题 每题1分，共20分
1、你真系阿茂整饼，（ ）。 答案：C
A：搵事嚟做 B：样样都整 C：冇嗰样整嗰样 D：得闲过头

2、佢（ ）噉走出厨房搵嘢食，唔想畀人知。 答案：D
A：静英英 B：嘈嘈闭 C：大大声 D：静鸡鸡

3、我（ ）喺门口等紧你，你快啲出嚟啊！ 答案：A
A：而家 B：头先 C：一阵 D：之前

4、搞搞震，（ ） 答案：A
A：冇帮衬 B：冇得瞓 C：沙沙滚 D：嘈生嗮

5、你咪好似山草药噉，（ ）啊。 答案：C
A：食得就食 B：神憎鬼厌 C：噏得就噏 D：心知肚明

6.、（ ），乜今日噉早起身啊？ 答案：B
A：早唞 B：早晨 C：晨早 D：朝早

7.、催催催，成张（ ）噉。 答案：B
A：催眠曲 B：催命符 C：招魂符 D：紧箍咒

8.、唔系行呢边啊，系（ ）啊。 答案：C
A：这边 B：那边 C：嗰边 D：后面

9、老公嘅阿妈，咪就系你（ ）囖。 答案：A
A：奶奶 B：外婆 C：阿妈 D：阿嫲

10、咪信佢啊，呢啲人发誓当食（ ）嘎。 答案：D
A：白饭 B：青菜 C：米 D：生菜

11、唔系啩，做咗噉耐得个（ ）。 答案：B
A：橙 B：吉 C：橘 D：桔

12、听讲陈师奶老公系做（ ）先生嘎。 答案：A
A：教书 B：香港 C：好好 D：陈

13、我（ ）返到屋企啦，你煮定饭等我啦。 答案：D
A：已经 B：头先 C：啱啱 D：就嚟

14、睇你（ ）都唔似系好挨得嘅人啊。 答案：C
A：白雪雪 B：黑麻麻 C：白白净 D：乌卒卒

15、乜你唔系神通广大乜都知（ ）？ 答案：A
A：咩 B：啊 C：嘛 D：啩

16、用手（ ）埋对眼，咪咩都睇唔到囖。 答案：A
A：揞 B：挡 C：遮 D：封

17、佢份人咁老实，真系（ ）。 答案：C
A：忠忠直直 B：老实憨厚 C：担屎唔偷食 D：神台猫屎

18、神台猫屎，（ ）。 答案：C
A：担屎唔偷食 B：葾崩烂臭 C：神憎鬼厌 D：十分老实

19、哇，你间房打仗嚟啊？乜（ ）嘅？ 答案：D
A：行兵打仗 B：邋邋遢遢 C：乌烟瘴气 D：七国咁乱

20、唔使点出力，就有着数攞，就系指港男十八式之 ）。 答案：C
A：侧侧膊 B：行精面 C：执死鸡 D：抛浪头

三、 句型题：5题 每题1分，共5分
1. 我 唔中意我，我 嗰个人 我， 话 可以点？
A、嗰个人 B、中意 C、唔中意 D、我 E、你 F、又中意
答案：BACFED
2. 永远都系等到 ，真正失去时先 ，先嚟 ？
A、点解 B、后悔 C、死晒心 D、女人 E、男人 F、醒悟
答案：AEDCFB
3. 声大唔 ， 都 。
A、可以 B、冇礼貌 C、代表 D、系 E、大丈夫 F、斯文
答案：CBFADE
4. 你 噉嘅 系 嘎。
A、唔知道 B、今时今日 C、唔通 D、服务 E、唔得 F、态度
答案：CABDFE
5. 呢样嘢 嘅 。
A、抽象 B、爱情 C、比 D、抽象画 E、我 F、仲
答案：BCEDFA

四、 翻译题：10题 每题1分，共10分
1. 平嘢冇好嘢，有啲钱唔悭得㗎。
答：便宜的没有好东西，有些钱是不能省的。

2. 我对你唔讲口齿，系因为你从来都唔对我讲口齿。
答：我对你没有信用，是因为你从来都不对我有信用。

3. 既然决定了,就别往回头想了,将来一定可以找到一个更好的。
答：既然决定咗，就唔好恁翻转头，将来一定可以搵到一个更加好嘅。

4. 走错一步，可能什么都没有了，甚至连自己的命都没有了。
答：行错一步，可能咩都冇晒，甚至连自己条命都冇埋。

5. 佢错咗，我哋帮佢弥补囖。唔通加一脚伸佢出大海先安乐？
答：他错了，我们就帮他弥补。难道再加一脚踹他下海才安心？

6. 我智商高你噉多，我惊同你沟通唔到㖞
答：我智商比你高这么多，我怕和你无法沟通啊。

7. 从什么时候起，他开始介意所有他曾经说过不介意的事情?
答：从几时起，佢开始介意所有佢曾经讲过唔介意嘅事?

8. 我知你寻晚系专登放我飞机嘅，你唔使诈傻扮懵话唔知啦！
答：我知道你昨晚是故意不来应我约的，你不用装疯卖傻说不知道了！

9. 你这人怎么这样啊？真是受不了你！
答：你呢个人做乜噉样嘎？真系顶你唔顺！

10. 你真的很烦啊，你能不能给我安静点？
答：你真系好烦啊，你可唔可以同我安静啲啊？

五、 阅读题：11题，每题2分，共22分
1、完型填空，共5题，每小题2分：给出一篇完整的粤语白话文字，中文章中挖出与时态，前后关系，词气表达等，俗词，俚词，歇后语等关键词，让考生进行选择出正确答按放于文章中。
常在心，到咗今日，我哋拍咗拖 ① 年半。年半虽然好短，但系呢年半系我人生入面，最刻骨铭心嘅一次。我恁我永远都唔会忘记，同你系埋一齐呢年半嘅日子！其实我写呢封信畀你，唔系想求你原谅，因为我知道自己根本冇资格要求你原谅。我只系想同你坦白，我知坦白唔可以弥补我对你嘅伤害，但是呢样系我唯一可以做到嘅嘢。
常在心，你仲记唔记得我们一齐去打沙滩排球。你呢只长脚蟹又摞宵夜上来畀我，又陪我一齐搏杀，每一幕都好甜蜜。但系唔知点解，我哋成日都会嗌交，每一次嗌完交返到屋企恁返起你喊嗰个样，我都会同自己讲：“Alfred，点解你要发咁大脾气嗻。点解唔可以让下你，点解唔顾下你感受多啲。”但系唔知点解下次我一见到你嘅时候，就会好 ② 。我哋又会嘈过，可能系我好想你明我多啲，我好想讲服你。你仲记唔不记得，嗰次我又输咗畀大脚八，我叫咗你 ③ 嚟看我打官司，结果你嚟咗。令到我好唔开心，呢个时候，我遇到第二个女人，佢嘅性格同你一啲都唔同，佢 ④ 冇同我嗌过一句交，佢甚至唔介意我有女朋友。我同佢喺埋一齐，一啲压力都冇。我好享受呢种偷情嘅感觉，觉得好刺激。我知道自己喺度 ⑤ ，但我又舍唔得放弃呢种感觉。原来人系一定要经历过，先知道自己内心系点。嗰日你突然间攞嗰信用卡啲单嚟，原来我会好惊，我发觉自己对手猛噉喺度震。我惊畀你睇到，就将对手放入个袋。到咗嗰一秒，我先知道原来自己好惊冇咗你。   
失去咗常在心，我恁系我一生中最大嘅遗憾。而且呢个创伤，我恁我永远都唔可以弥补到。常在心，我知道呢件事令你流咗好多眼泪。我真系好憎自己成日搞到你喊。除咗坦白之外，如果仲有咩可以弥补到嘅，无论系咩事我都愿意去做！

①. A、啱好 B、就嚟 C、刚好 D、过咗 答案：A
②. A、头晕 B、开心 C、忟憎 D、伤心 答案：C
③. A、记得 B、实要 C、一定 D、唔好 答案：D
④. A、从来 B、一直 C、几乎 D、唔会 答案：A
⑤. A、偷食 B、玩紧火 C、劈腿 D、一脚踏两船 答案：B

2、读解，共6题，每小题2分：给2篇短篇，1篇长篇粤语白话文，从中提出对文章的理解性问题，短篇2题，长篇4题
（一）男仔唔使靓仔
靓仔系唔系真系咁重要啊？有啲人话男人唔使靓仔嘅，有才华咪得啰。 系，你有冇试过带你嘅才华去落disco识女仔啊？人哋啲靓仔一行入去，唔使二十分钟，就已经同啲女仔互相问问题：“你度定我度？”  我带住我嘅才华入到去，几艰难先搵到个女仔肯畀个机会我。唔系畀机会我交换问题，而系畀机会我天才表演。 唱歌跳舞做话剧讲大话功夫表演，成套欢乐今宵一个人做一次…

（二）女人爱情观
女仔对爱同钟意有好大嘅分别，如果个女仔知道个男仔钟意佢呢，佢都会同佢去下街，睇下戏，食下饭，但想做进一步嘅嘢就唔得啦。而女仔知道个男仔爱佢嘅时候系绝对可以付出更多。喺女仔心目中，钟意等于“帮衬”。但爱喺女仔心目中等于“收购”，收购包括“注资”，然后“合并”…所以女仔要男仔将佢嘅爱注资落嚟，户口注资落嚟，最重要嘅系钱注资落嚟。然后去买Joyce啦，Panda啦，Gueeo啦，买到一身都系，等佢认为可以巩固佢自己嘅价值，但佢哋系绝对冇得到男方嘅同意嘎！嗱！我宜家同你哋讲啊，你哋嘅黑箱作业，好容易破坏男方嘅经济嘎！

（三）如何维持异地恋？
　　对于异地恋，好多人都係持唔睇好嘅态度。佢哋会列出一系情况嚟解析点解异地恋冇好结果，但系，正如好多人都知道，食烟系有害身体健康，但系依然有好多人系戒唔到。异地恋都系一样，如果你好中意一个人，但系由于客观条件，使到两个人被逼要分隔异地，你系会当机立断噉即刻同佢分手，定系希望可以同佢一直维系住异地恋，等到过一段时间，大家继续翻一齐呢？我相信喺热恋里面，理智嘅人总系唔多嘅，而且，有希望又何必放弃呢？系咪，所以，就会有异地恋嘅形成啦。
  其实，对于异地恋嚟讲，喺刚开始嘅时候，我觉得大家应该要有心理准备先，就係，维系起嚟好难。当然啦，仲要有克服困难嘅决心。只要有一种豁出去嘅决心，咁就完成咗第一步啦。
 　　讲真啊，异地恋，最重要嘅只有一个字—信。既然都已经决定异地恋啦，就一定要信对方，如果唔信嘅话，就不如一早结束，唔好浪费大家嘅时间。因为，大家身处唔同地方，所以有时候，听到流言蜚语，都冇办法确定，唯有选择相信对方。而且，就算你真系怀疑啦，都唔好表现出来。因为，无论对方有冇出轨，只要一方开始怀疑，呢段恋情可以话已经开始慢慢写句号啦。
 　　好多人会话，安全感都好重要。其实，安全感都系建立在“信”呢方面，如果你系令到对方觉得，你系100％嘅信任佢，咁佢自己就会觉得好有安全感。反之，一样。当然啦，仲要令到对方相信自己只爱佢一个，而且系冇因为地理位置变化而变嘅。
如果你都係唔知道异地恋应该点做，噉你可以继续睇落去。
由于系异地恋，所以联系一定唔可以少。其次，对于异地恋嚟讲，节日嘅重要性畀喺同一个地方嘅更加重要。因为节日，可以体现你一个人细心程度，所以你要提前准备礼物。有时候呢，由于实在太远啦，唔可以翻去见面，唯有提前准备好礼物。仲要喺节日嗰晚，打电话或者视频话畀佢听，你系同佢一齐度过呢个节日嘅。因为咁样可以避免佢同第啲人出去，又可以证明你嗰晚冇陪第二个。
其实，好多人会认为，呷醋系一种唔好嘅行为。但係其实适当噉呷醋，会令到对方有一种被着紧嘅安全感嘎不过呢，都唔好成日呷醋㖞，如果喐唔喐都呷醋，只会令到对方觉得烦，觉得你乜都管住佢，小小私人空间都唔畀佢，所以一定要掌握好个度。
担心亦都同呷醋一样，都係要适量嘅，等对方知道你确实系着紧佢。仲要时不时表达自己嘅爱意。情话系必须嘅，但系都唔可以成日讲住，任何嘢，讲多咗都会腻啦。要喺适当嘅时间讲适当嘅嘢。但系，如果你真系觉得呢个时候，你呢种感觉好强烈，都系一定要讲出嚟嘅。只要唔好令到情话变成一种习惯性嘅口吻就OK啦。
仲要大家互相理解。由于大家都喺异地，所以，好多生活习惯可能会变得唔同，所以，一定要理解对方，尽量用角色互换，体谅下对方。最后呢，就系珍惜大家见面嘅时间。因为对于异地恋来讲，每一次见面的时间都係宝贵的。
其实，异地恋，最重要嘅都系大家信任彼此，为咗同一个目标双方一齐去努力。虽然话，世事难料。但係，同样嘅世事冇绝对。冇信心，就一定冇。有信心，未必输
所有异地恋嘅朋友，就算再辛苦，我哋都系应该挨落去，唔系为咗自己，而系为咗两个人嘅未来。冇嘢系冇可能嘅，就算旁人唔睇好又点啊？至少自己要对自己有信心先….

阅读第一篇短文，回答问题：
① 有才华重要还是重要？

阅读第二篇短文，回答问题：
② 在女孩心中，喜欢和爱有什么不一样？

阅读第三篇文章，回答一下问题：
③ 异地恋是怎样形成的？
④ 作者认为异地恋需要怎样做呢？请列点说明。
⑤ 作者对异地恋持什么态度呢？

六、 听力题：10题，每题2分，共20分
1、 广播剧（选定4个广播剧/天气预报/新闻报告/谈话节目），听完后回答固定问题，同组每个教生所听的广播剧的内容一样但问题点不一样，问题考官会私M给考生，考生解答完后私M回给老师。）

㈠早安，朋友
① 什么东西永远是错的？ 答案：timing (时间)
② 上到巴士之后，女主角发现了什么？ 答案：发觉自己冇散纸
③ 电话断断续续响了多久？ 答案：5分32秒
④ 剧中女主角说在电话装了什么？ 答案：炸弹
⑤ 剧中男主角姓什么？ 答案：刘
⑥ 剧中男主角几岁开始谈恋爱，几岁失恋？ 答案：8岁；8岁半
⑦ 啊MAY是做什么的？ 答案：酒楼part-time
⑧ 啊MAY在男主角生日那晚亲了男主角哪里？ 答案：额头
⑨ 啊MAY把什么送过了男主角当作24岁生日礼物？ 答案：万字夹做的星星
⑩ 剧中女主角姓什么？ 答案：梁

㈡不敢说我爱你
① 剧中男主角为女主角庆祝几岁生日？ 答案：23
② 女主角小时候，和哥哥住在哪里？ 答案：姨妈屋企
③ 女主角习惯了什么？ 答案：只要开心就已经害怕失去
④ 剧中男主角的职业是什么？ 答案：医生
⑤ 有哪两种人会喝醉？ 答案：开心到死或伤心到死
⑥ 女主角上一次去海滩是什么时候？ 答案：六年前
⑦ 剧中男女主角第一次见面的时候，女生打了男生哪里？ 答案：左脸
⑧ 剧中女主角在沙滩上写了什么？ 答案：闷蛋
⑨ 巴士意外，来了多少个伤者？ 答案：三十几个
⑩ 在医院第一样要学的是什么？ 答案：病人生命很宝贵

㈢wish you were here
① 剧中男生一开场和女主角说了什么？ 答案：分手
② 剧中女主角前男友姓什么？ 答案：高
③ 女主角在公园闻到什么味道？ 答案：鸡蛋花
④ 剧中人物在电话说自己什么时候要去澳门？ 答案：二四六
⑤ 男主角和伙计说要和什么？ 答案：招牌冻咖啡
⑥ 男主角介绍自己的时候说他的店有多大？能放几张桌子？ 答案：500尺；6张
⑦ 问路的男女要去哪里？ 答案：大三巴
⑧ 女主角自己逛街逛了多久？ 答案：两个小时
⑨ 女主角在澳门买了什么？ 答案：大三巴明信片
⑩ 女主角说“两个人的亲密程度”重在什么？ 答案：有没有对方的地址

㈣成田公园
① 男主角什么时候走？ 答案：大后日
② 男主角要去哪里？ 答案：澳洲
③ 男主角要去多久？ 答案：两年
④ 女主角最后有没有去送男主角？ 答案：没有
⑤ 成田公园变成了什么？ 答案：大商场
⑥ 男主角最后回来了吗？ 答案：回来了

七、 口语题：4题 ，共18分
1、自我介绍（3分）
2、与下一位考生组队对话，主题情景对话，主题由老师定出4-6个，不同组不同主题 。由学生先号码后才得知主题是什么，号数不重复。（5分）
①埋单 ②打错电话 ③问路 ④推销 ⑤应聘
⑥点菜 ⑦退货 ⑧初次见面 ⑨看医生 ⑩看电影
3、读文章，老师选定6篇粤语白话文，由考生独立，读完不作任何的提示。（5分）
a) 咬字清淅得分
b) 错字10个以内得分
c) 不会的字5个以内得分
d) 其他由老师自行评字些一小题可以得到多少分。
一、
有人话，当一个人真正恋爱嘅时候，佢就会变成一个诗人。我知道我并唔係一个诗人，我只係一个堕入爱河嘅普通人。其实呢个世界真係好细，所以我哋先会咁样遇见。而喺我嘅有生之年能够遇见你，我相信係命运嘅安排。同你能够成为朋友係我嘅选择，而爱上你却係我无法控制嘅意外。
爱上你，唔係因为你畀咗我所需要嘅嘢，而係因为你畀咗我从未有过嘅感觉。如果可以解释得到点解会钟意一个人，咁呢个就唔係爱情，因为真正嘅爱情係冇原因嘎。你爱佢，但係你唔知道点解。如果有人问我点解会爱你，我觉得我净係可以答佢：“因为係你，因为係我。”
我一啲都唔贪心，我嘅愿望只係：生命中可以永远有你嘅存在。因为我真係唔敢想象，如果冇咗你，我嘅生活会变成点样。我试过要自己去忘记你。但係，我越係试图去忘记你，我就越係记忆深刻。其实，我需要嘅只係你喺我身边，无论结果係点，我都已经係世界上最幸福嘅人。

二、
我终于搬咗嚟新屋呢度。好普通嘅三房一厅，简单嘅装修，但系干净、整洁。
另外嘅兩間房住着两个男仔--阿橙同木木，佢哋系好老死嘅大学同学--對於我嚟講，喺四個鐘頭之前，佢哋只不過系陌生人。但系而家，包括以后嘅每一日，我将會同佢哋一齊生活喺同一个屋檐下，用同一个卫生间、同一个厨房、同一个客厅……
选择同男仔合租，系因为之前我同姊妹合租嗰陣，受咗一個打击--由于落班翻嚟嘅時間比較早嘅缘故，我每日几乎都做咗房入面嘅所有嘢，包括洗衫、煮饭、掃地，但系佢就成日都會因为我o郁咗佢塊镜，或者擺錯佢d書嘅位之类嘅，成日喺度同我依依哦哦。我嘅耐性就咁樣畀佢折磨到冇曬。我冇义务亦都冇责任好似个妹仔咁去服侍佢，仲要忍受佢各种怪癖同臭脾气。

三、
啱啱喺一齐嘅时候，电话24小时开机，惊死你唔打俾佢...电话未响一声就接啦！
倾嗰4 -5个钟都唔成问题，后备电池，充电器样样齐！时间长咗，打个电话俾佢，3-4次先接一次咯！问点解唔接，一系就话听唔到，一系就话手机冇电！好笑啦，你眼有问题亦话你自己唔上心呢？嗰时冇听见，唔通事后睇到就唔可以打翻转头咩？同你一齐贪你D乜先？你话你有一千几百亿就话嗻...你话你受够啦，咁咪分手咯，绝对唔会好似前世未见过男人咁缠住你！搞到你好似好无奈咁...同你D兄弟吹水嗰阵讲到自己点样点样心软...唔忍心分手！
死开啦你，讲D咁嘢有乜意思呢？你真系当自己同情心爆棚啊？嚟个世界冇话边个冇咗边个唔得嘅...呢边谂住有个女朋友照顾你，你嗰边就想自由身咁自由，呼之即来挥之即去...咁你仲洗乜搵老婆，搵女朋友啊？使钱搵小姐就得啦，一日一个几HAPPY！
好好谂下啦，有个肯陪你挨嘅人陪你咪算咯...成日以为自己条件有几好，成日都谂住骑牛搵马！又唔谂下自己冇咁大个头就唔好戴咁大顶帽！

四、
鸡公仔，尾弯弯，做人新抱甚艰难。早早起身都話晏，眼泪唔干要笑番。
鸡公仔，尾弯弯，做人新抱甚艰难。对下老公都话懒，要罚河边去洗衫。
鸡公仔，尾弯弯，做人新抱甚艰难。天光担水廿零担，破柴打扫当好闲。
鸡公仔，尾弯弯，做人新抱甚艰难。服侍奶奶唔敢懒，揼骨挠痕到三更。
鸡公仔，尾弯弯，做人新抱甚艰难。最惊大嫂灯笼眼，朝晚入廚煮兩餐。
鸡公仔，尾弯弯，勤劳新抱冇艰难。你咪咁惊灯笼眼，劝旺财嫂你笑番。
鸡公仔，尾弯弯，旺财哥锡莫心烦。你咪口多响度赞，我係嚟帮你过衫。
咁嘅工夫你做唔惯，畀人睇見受人弹。
我发奋为人消災解难，決定去香城掘金山。
发达之时一齐叹，嗰阵做人新抱冇艰难。

五、
月光光，照地堂，虾仔你乖乖瞓落床，听朝阿妈要捕鱼虾，阿爷睇牛要上山岗。
虾仔你快高长大，帮手阿爷去看牛羊。
月光光，照地堂，虾仔你乖乖瞓落床，听朝阿妈要赶插秧，阿嫲织网要织到天光。
虾仔你快高长大，撑艇撒网就更在行。
月光光，照地堂，年卅晚，摘槟榔，五谷丰收就堆满仓，老老嫩嫩都喜洋洋。
虾仔你快的眯埋眼，一觉瞓到大天光。

月光光，照地堂，年卅晚，摘槟榔，槟榔香，摘子姜，子姜辣，买菩达，菩达苦，
买猪肚， 猪肚肥，买牛皮，牛皮薄，买菱角，菱角尖，买马鞭，马鞭长，起屋樑，
屋樑高， 买张刀，刀切菜，买箩蓋，箩蓋圆，买只船，船沉底，浸死两个番鬼仔，
一个蒲頭，一个沉底，一个摸慈菇，一个摸马蹄。
一个匿系门角落，一个钻落床下底，仲有一个随街去，卖油炸鬼！

六、
落雨微微，水浸田基，田基有条蛇，吓亲大老爷。
大老爷有支枪，吓亲大姑娘，大姑娘有粒糖，吓亲国民党。

落雨微微，水浸田基，田基有条蛇，吓亲大老爷。
大老爷抓支枪，点知洞穿只脚梁，脚梁底有分钱，
又话留返过年，过年有年糕食，又话留番畀毛主席。

落雨微微，水浸田基，田基有条蛇，吓亲大老爷。
大老爷有只虾，吓亲大姑妈，大姑妈有只狗，吓到士兵即刻看门口。

落雨微微，水浸田基，田基有戏唱。
阿婆撑住个大蚊帐，蚊帐遮埋个细蚊仔，
细蚊仔又话唔好睇，又话蚊帐有木虱，咬亲阿婆个大屎𦡆。

4、 与老师对话（5分）
由老师提出一个粤语词汇，要求学生对这个词汇进行解释，举例应用2个左右。老师提出的词汇要会总至统筹方便解题讲坐中解释。

①屈尾十 ②求其 ③发噏疯 ④吹水
⑤吹鸡 ⑥整色整水 ⑦身有屎 ⑧成嚿饭