资源描述
ايتماتوۋدۇن ايتقاندارى
ەزەلتەدەن چەچىلبەگەن ۇلۇۇ تالاش − قانتكەندە ادام ۇۇلۇ ادام بولوت.
بئز دۉينۅنۉ جاڭىرتابىز، دۉينۅ بئزدى جاڭىرتات.
ادامعا باارىنان قىيىنى − كۉن سايىن ادام بولۇۇ.
ادابئياتتىن مىلدەتى − ادام رۇحانئياتى مەنەن رۇحۇ اراكەتتەرىنىن ماانئسىن اچۇۇ.
ادام بۉگۉنكۉ جاشووسۇنۇن ماڭىزىن تۉشۉنۉۉ ۉچۉن ۅتكۅن ۅمۉرۉنۅ قىلچايىپ سەرەپ سالات تۇرا ...
اقچانىن اراانى جۉرگۅن جەردە، ادالدىق ورۇن تاپپاي چىرقىراپ قاچات.
قىيالىڭدىن باارى ورۇندالا بەربەگەندىكتەن، ادام ۅمۉرۉ قىمبات.
سەزىم دەگەن وي- قىرى جوق جۇمالاق تۉشۉنۉك.
ار كىمدىن ۅز تاعدىرى بار. تىگىنە، قارعا بىردە جامىنىپ، كۉن نۇرۇنا بىردە چايىنىپ تۇرعان توونۇن دا بئر تارابى جارىق، بئر تارابى كۅلۅكۅ.
دەڭىز دەگەنىڭ قاالاعان كۉنۉڭدۅ ەلە جەەككە چالا ۅلۉك بالىق سەرپىپ تۇربايت. ايلا قانچا، جورتۇۇ كەرەك !
بايلىعىڭدى الىپ قويسو ۅلبۅيسۉڭ، ەپتەپ كۉن كۅرۉپ كەتەسىڭ. ا ەگەر ابئيىرىڭدى تەپسەپ سالىشسا، انى ەچ كىم تازارتا البايت ...
ازىرقى بالدار چوڭ كىشىلەردىن بىلگەنىن بىلۉۉسۉ ىيگى، انتپەسە چوڭ بىلىمگە باشباعىپ، كىرە الباي قالات.
ادامدىن باشقالارعا قىلار ەڭ چوڭ جاقشىلىعى ەلە − ۉيۉنۅن ادام بولور بالداردى تاربئيالاپ ۅستۉرۉۉ.
قايدا بەزىپ كەتسەڭ دا زارلانتقان قايعىڭان بەزە البايسىڭ، قايدا بارساڭ، ۅزۉڭ مەنەن بىرگە جۉرۅت.
ار كىم ۅز رۇحۇندا كۅڭتۅرۉش جۉرگۉزۉۉ كەرەك.
باارىنان ۇلۇق − اقىيقات، ال بىرۅۅ عانا. ەكى اقىيقات بولبويت.
تاعدىرعا جاراشا ادام، ادامعا جاراشا تاعدىر بئرىن- بئرى ىزدەشپەيت تابىشات تۇرا. جاشوونۇن ۅزۉ دا وشول ايلانپادا ايلانعانى ايلانعان.
قىيامات قايىم دەگەن تابئياتتىن قوقۇستۇعۇنان ەمەس، ادامداردىن مۇنازا كەلىشپەستىگىنەن بولوت.
ار بئر كۉندۉن جاراتۇۇچۇسۇ دا، سوتۇ دا ادام ۅزۉ.
اقىيقات جولۇ − كۉن ساناپ تازالانۇۇ، جەتىلۉۉ جولۇ.
展开阅读全文
浙ICP备2021020529号-1 | 浙B2-20240490 
