林氏闽南语教程(补给版).doc

林氏闽南语教程（补给版）
林氏闽南语教程（补给版）
第一课 问候语词 (BŪN-HĀU GÚ-SÛ)
1. 王先生，汝好。
Ông–sian-siⁿ, lí hó.
（您好！王先生。）
2.陈太太，敖早。
Tân thài-thài, gâu-tsá.
（早上好，陈太太。）
3.李小姐，拜拜。
Lí sió-chiá, bái-bǎi.
（再见，李小姐。）
4.阿芳，诚久无看见啊，ah汝最近好无？
A-hong, chiâⁿ kú bô khoàⁿ–kìⁿ ah, ah lí tsòe-kun hó bô?
（小芳，很久没见面了，你近来可好？）
5.汝最近身体有咔好无？
Lí tsòe-kùn sin-thé ū khah hó bô?
（你近来身体好一点了吗？）
6.真好啊，多谢汝。
Chin hó ā, to-siā lí.
（很好，谢谢你。）
7. 暗安，张先。
Àm-an, tiuⁿ–sian.
（晚安，张先生。）
8.咱过两工仔才佫联络乎，再见。
Lán kè nn̄g-kang–á chiah koh liân-lo̍k ho·hⁿ, tsài-kiàn.
（我们过两天再联系吧，再见。）
9.阿强，汝即暂仔真无闲是呣？
A-kiông, lí chit-tsām-á chin bô-êng sī m̄?
（小强，你这段时间很忙是吧？）
10.Bōe真无闲啦，多谢汝关心。
Bōe chin bô-êng lah, to-siā lí koan-sim.
（不太忙，谢谢你的关心。）
11.林小姐，空课无闲规日啊，真thiám啊乎？
Lîm sió-chiáⁿ, khang-khè bô-êng kui-ji̍t ah, chin thiám ah ho·hⁿ?
（林小姐，干了一天活，很累了吧？）
12.恁厝的侬，逐个敢拢好？
Lín chhù ê lâng, ta̍k-ê kám lóng hó?
（你家里人都挺好吧？）
13.拢真好真四示，多谢呢！
Lóng chin hó chin sù-sī, to-siā neh.
（都挺好的，谢谢。）
14.真久无看着恁阿嬷囉，伊即久身体怎样？
Chin kú bô khoàⁿ-tio̍h lín a-má lo·h, i chit-kú sin-thé tsáiⁿ-iūⁿ?
（很久没见你奶奶了，她最近身体怎样？）
15.泛泛代啦，感谢。
Hàm-hàm-tāi lah, kám-siā.
（还可以，谢谢。）
16.听咧讲伊破病，无闲通去看伊，应该无乜代誌啦乎？
Thiaⁿ-leh-kóng i phòa-pīⁿ, bô-êng thang khì khoàⁿ i, èng-kai bô mih tāi-chì lah, ho·ⁿ?
(听说他病了，没空去看他，应该没什么事吧？）
17.无啥代誌啦，小可感冒耳啦。
Bô siáⁿ tāi-chì lah, sió-khóa kám-mō· niā lah.
（没什么，就是有点感冒而已。）
18.替 我 共 恁 厝内兮 问好 一下。
Thòe góa kā lí chhù-lāi–ê mn̄g-hó chi̍t-ē.
（代我向你太太问好。）
19.费神哦。
Hùi-sîn o·h.
（有劳了。）
20.今仔下暗汝看起来精神bōe歹哦。
Kin-á e-hng lí khoàⁿ–khí-lâi cheng-sîn bōe-pháiⁿ o·h.
（今晚你挺精神的。）
21.久无看着汝啊，taⁿ是愈来愈少年囉。
Kú bô khoàⁿ-tio̍h lí ah, taⁿ sī lú lâi lú siàu-liân lo·h.
（很久不见，你越来越年轻了。）
22.曹先，食饱未？
Tsô–sian, chia̍h pá bē?
（曹先生，吃过饭了吗？）
23.汝拄仔来无偌久耳，敢会惯势？
Lí tú-á lâi bô-lōa-kú niā, kám ē koàn-sì?
（你刚来不久，习惯吗？）
日常用语：
1.你早：敖早 / gâu-tsá
2.你好：汝好 / lí hó
3.谢谢关心：多谢汝关心 / to-siā lí koan-sim
4.再见：拜拜 / bái-bǎi
5.晚安：暗安 / àm-an
6.对不起：歹势、失礼 / pháiⁿ-sè, sit-lé
7.不客气：莫客气、免客气 / bo̍h kheh-khì, bián kheh-khì
8.打扰了：共汝tsak糟 / kā lí tsak-tsō
9.不送了：无送囉 / bô sàng lo·h
10.慢走：顺行 / sūn-kiâⁿ
11.招呼不周：款待無褿遘 / khoán-thāi bô chiâu-kàu
12.挺好：真好 / chin hó
13.谢谢：多谢 / to-siā
14.很累：真僐、真thiám / chin siān, chin thiám
15.吃饭：食饭 / chia̍h-pn̄g
16.不好意思：歹势 / pháiⁿ-sè
17.讲信用：搏信用 / poa̍h sìn-iōng
18.好相处：好鬥阵 / hó-tàu-tīn
19.身子：身躯 / sin-khu
20.这阵子：即暂仔 / chit-tsām-á
21.没空：无闲 / bô-êng
22.整天：规日 / kui-ji̍t
23.舒适：四示 / sù-sī
24.生病：破病 / phòa-pīⁿ
25.今晚：下暗 / e-àm
26.刚才：拄仔、拄才 / tú-á, tú-chiah
27.习惯：惯势 / koàn-sì
28.事情：代誌 / tāi-chì
29.马马虎虎：泛泛代 / hàm-hàm-tāi
30.稍微：小可 / sió-khóa
31.而己：耳耳 / niā-niā
第二课 称谓 （CHHENG-ŪI）
1.请问小姐汝贵姓？
Chhiáⁿ mn̄g sió-chiá kùi-sìⁿ?
（请问小姐贵姓？）
2.我姓李，“李世民”的“李”。
Góa sìⁿ Lí, “Lí Sè-bîn” ê “Lí”.
（我姓李，“李世民”的“李”。）
3.阮有阿祖、阿公、阿嬷、阿爸、阿母、阿兄、阿姊、阿弟佮阿妹，ah汝咧？
Gún ū a-tsó·, a-kong, a-má, a-pā, a-bú, a-hiaⁿ, a-chí, a-tǐ kah a-mě, ah lí leh?
（我有爷爷、奶奶、爸爸、妈妈、哥哥、姐姐、弟弟和妹妹，那你呢？）
4.阮佫有阿舅、阿妗、阿姨、阿叔、阿婶、阿伯、阿姆、阿姑佮阿丈。
Gún koh-ū a-kū, a-kīm, a-î, a-chek, a-chím, a-peh, a-ḿ, a-ko· kah a-tiūⁿ.
（我还有舅舅、舅妈、阿姨、叔叔、婶婶、伯伯、伯母、姑妈和姑（姨）丈。）
5.伊是啥侬？
I sī siáⁿ-lâng?
（他是谁？）
6.伊是阮同学。
I sī gún tâng-o̍h (tông-o̍h).
（他是我的同学。）
7.迄个诸姥医生姓啥？
Hit-ê tsa-bó· i-seng sìⁿ siáⁿ?
（那个女医生姓什么？）
8.伊姓郝，医术真高明。
I sìⁿ Hok, i-su̍t chin ko-bêng.
（她姓郝，医术很高明。）
9.坐伫咧头前迄个诸夫的，是啥侬咧？
Che tī-leh thâu-chêng hit-ê ta-po·–ê, sī siáⁿ-lâng leh?
（坐在前面的那个男的是谁啊？）
10.请借问叨一个是冯先生？
Chhiáⁿ-chioh-mn̄g tó-chi̍t-ê sī Pâng–sian-siⁿ?
（请问哪位是冯老师啊？）
11.冯先，汝好。我是宋小英in老父啦。
Pâng–sian, lí hó. Góa sī Sòng Sió-eng in lāu-pē lah.
（冯老师，你好。我是宋小英他爸。）
12.宋先生，汝有甚物代誌无？
Sòng–sian-siⁿ, lí ū sím-mi̍h tāi-chì bô?
（宋先生，你有什么事情吗？）
13.我想卜（欲）找马校长。
Góa beh chhē Má Hāu-tiúⁿ.
（我要找马校长。）
14.即个囡仔生做佮汝真siâng面，稳当是恁囝。
Chit-ê gín-á siⁿ-tsòe kah lí chin siâng-bīn, ún-tàng sī lín kiáⁿ.
（这个小孩长得和你很相像，肯定是你儿子。）
15.即个诸姥囡仔生做真水，偌大汉啊？
Chit-ê tsa-bó· gín-á siⁿ-tsòe chin súi, lōa tōa-hàn ah?
（这个小女孩长得很美，多大了？）
16.拄好十岁足。
Tú-hó tsa̍p-hè chiok.
（刚好满十岁。）
17.遮个囡仔拢真古锥，全部汝的学生是呣？
Chiah-ê gín-á lóng chin kó·-tsui, tsoân-pō· lí ê ha̍k-seng sī–m̄?
（这些小孩挺可爱，全部是你的学生吗？）
18.徛伫后壁迄个呣是。
Khiā tī āu-piah hit-ê m̄-sī.
（站在后面的那个不是。）
19.伊是隔壁班的班长。
I sī keh-piah-pan ê pan-tiúⁿ.
（他是隔壁班的班长。）
20.伊昨日无来上课。
I tsa-ji̍t bô lâi siōng-khò.
（他昨天没来上学。）
21.恁爸仔退休抑未？
Lín pā-á thè-hiu a̍h bē?
（你爸爸退休了吗？）
22.伊旧年着退休囉。
I kū-nî to̍h thè-hiu lo·h.
（他去年就退休了。）
日常用语：
1.肝胆朋友：换贴兮 / oāⁿ-thiap–ê
2.理发师：剃头师 / thih-thâu-sai
3.淘气鬼：擿动鸡、贱虫 / tih-tāng-koe, chiān-thâng
4.婴儿：红婴仔、婴仔 / âng-eⁿ-á, eⁿ-á
5.小孩：囡仔 / gín-á
6.邻居：厝边 / chhù-piⁿ
7.小伙子：少年家 / siàu-liân-ke
8.客人：侬客 / lâng-kheh
9.姐妹俩：两姊妹仔 / nn̄g-chí-bē-á
10.妻子：姥、家后、厝内 / bó·, ke-āu, chhù-lāi
11.高个子：躼跤兮 / lò-kha–ê
12.大块头：大箍兮 / tōa-kho·–ê
13.胖子：阿肥仔 / á-pûi-á
14.媳妇：新妇 / sin-pū
15.谁：啥物侬(siáⁿ-mi̍h-lâng)、啥侬(siáⁿ-lâng)、siâng、siáng
16.女：诸姥 / tsa-bó·
17.男：诸夫 / ta-po·, tsa-po·
18.可爱：古锥 / kó·-tsui
19.后面：后壁 / āu-piah
20.这些：遮个 / chiah-ê
21.那个：迄个 / hit-ê
22.去年：旧年 / kū-nî
23.前年：存年 / tsûn-nî
24.大前年：落存年 / lò-tsûn-nî
闽南语学习网（）
第三课 问路（MN̄G-LŌ·）
1.费神，请借问马可波罗酒店怎样行？
Hùi-sîn, chhiáⁿ-chioh-mn̄g Má-khó-pho-lô Chiú-tiām tsáiⁿ-iūⁿ kiâⁿ?
（劳驾，请问馬可波罗酒店怎么走？）
2.汝顺即條路直直行咧四五字久着遘啊。
Lí sūn chit-tiâu lō· ti̍t-ti̍t kiâⁿ leh sì-gō·-jī-kú to̍h kàu ah.
（你沿着这条路一直走二十到二十五分钟就到了。）
3.阿婆，呣是即条路，是迄条啦。
A-pô, m̄-sī chit-tiâu lō·, sī hit-tiâu lah.
（阿婆，不是这条路，是那一条。）
4.阿伯仔，遮离景洲乐园犹佫偌远？
A-peh–á, chia lī Kéng-chiu Lo̍k-hn̂g iáu-koh lōa hn̄g?
（大爷，这儿离景洲乐园还有多远？）
5.无偌远，头前着是啊。
Bô lōa hn̄g, thâu-chêng to̍h sī ah.
（没多远，前面就是了。）
6.借问即条路敢有遘客运站?
Chioh-mn̄g chit-tiâu lō· kám ū kàu kheh-ūn-tsām?
（请问这条路能到客运站吗？）
7.即条无底巷啦，汝行边头迄条才着哦。
Chit-tiâu bô-tóe-hāng lah, lí kiâⁿ piⁿ–thâu hit-tiâu chiah tio̍h ǒ·h.
（这条路是死胡同，你走旁边那条路才对哦。）
8.少年兮，借问即搭叨位有厕所？
Siàu-liân–ê, chioh-mn̄g chit-tah tó-ūi ū chheh-só·?
（年青人，请问这儿哪里有厕所？）
9.按头前有挂“WC”尪仔头迄个路口入去着着囉。
Àn thâu-chêng ū kòa “WC” ang-á-thâu hit-ê lō·-kháu ji̍p-khì to̍h tio̍h lo·h.
（从前面有挂“WC”图标的那个路口进去就是了。）
10.借问遮去中山路步行街着佫偌远咧？
Chioh-mn̄g khì Tiong-san-lō· pō·-hêng-koe to̍h koh lōa hn̄g leh?
（请问这里到中山路步行街还要多远呢？）
11.不止仔近，斡一个弯随遘啊。
Put-chí-á kūn, oat chi̍t-ê oan sûi kàu ah.
（十分近，拐个弯马上到了。）
12.费神噢，请借问厦门华联百货商场伫叨位咧？
Hùi-sîn o·h, chhiáⁿ-chioh-mn̄g Ē-mn̂g Hôa-liân Pek-hè siong-tiûⁿ tī tó-ūi leh?
（有劳了，请问厦门华联百货商场在哪里呢？）
13.伫海口轮渡中山路遐。
Tī Háu-khàu Lûn-tō· Tiong-san-lō· hia.
（在轮渡口中山路那儿。）
14.安呢着怎样行咧？
Án-ni to̍h tsáiⁿ-iūⁿ kiâⁿ leh?
（那怎么去呢？）
15.呣免搭车啦，无偌远，行十几分钟着遘啊。
M̄-bián tah-chhia lah, bô lōa hn̄g, kiâⁿ tsa̍p kúi hun-cheng to̍h kàu ah.
（不用坐车的，没多远，走十来分钟就到了。）
16.购物中心伫市体育馆边头。
Kò·-bu̍t Tiong-sim tī chhī Thé-io̍h-koán piⁿ–thâu.
（购物中心在市体育中心旁边。）
17.借问叨一条路有遘电船路头？
Chioh-mn̄g tó-chi̍t-tiâu lō· ū kàu tiān-tsûn lō·-thâu?
（请问哪条路是到客运码头？）
18.汝对即条路直透行去，着遘啊。
Lí tùi chit-tiâu lō· ti̍t-thàu kiâⁿ–khì, to̍h kàu ah.
（你从这条路一直走下去，就到了。）
19.汝卜（欲）去天竺山森林公园佚佗喺？对头前正手爿斡入去着是啊。
Lí beh khì Thian-tek-soaⁿ Sim-lîm Kong-hn̂g thit-thô hehⁿ? Tùi thâu-chêng chiàⁿ-
chhiú-pêng oat ji̍p-khì to̍h sī ā.
（你要去天竺同森林公园游玩是吧？从前面右手边拐进去就对了。）
20.请借问一下，淑庄花园伫鼓浪屿喺？卜（欲）怎样行？
Chhiáⁿ-chioh-mn̄g chi̍t-ē, Siok-tsong Hoe-hn̂g tī Kó·-lōng-sū hehⁿ? Beh tsáiⁿ-iūⁿ
kiâⁿ?
（请问一下，淑庄花园在鼓浪屿吗？要怎么走呢？）
21.汝先搭船过渡，落船了后佫问一下着知影囉。
Lí seng tah-tsûn kè-tō·, lo̍h-tsûn liáu-āu koh mn̄g chi̍t-ē to̍h tsai-iáⁿ lo·h.
（你先乘船过渡，下船之后再打听一下就知道了。）
22.卜（欲）去集美大学，行即条路着呣着？
Beh khì Chi̍p-bí Tāi-ha̍k, kiâⁿ chit-tiâu lō· tio̍h m̄ tio̍h?
（要到集美大学，走这条路对不对？）
23.呣是啦，汝行倒手爿迄条才着。
M̄ sī lah, lí kiâⁿ tò-chhiú-pêng hit-tiâu chiah tio̍h.
（不是的，你走左手边那条路才对。）
日常用语
1.在哪儿：伫叨位 / tī tó-ūi
2.怎么走：怎样（安怎）行 / tsáiⁿ-iūⁿ (án-tsoáⁿ) kiâⁿ
3.哪路车：叨一路车 / tó-chi̍t-lō· chhia
4.走多久：行偌久 / kiâⁿ lōa hn̄g
5.什么路：甚物路 / sím-mi̍h lō·
6.往回走：行翻头 / kiâⁿ hoan-thâu
7.别走那边：呣通行迄爿 / m̄-thang kiâⁿ hit-pêng
8.怎样坐车：怎样搭车 / tsáiⁿ-iūⁿ tah-chhia
9.左拐：倒斡 / tò-oat
10.外面：外口（口身） / gōa-kháu, kháu-sin
11.旁边：边头（边仔） / piⁿ–thâu, piⁿ–á
12.里面：内底 / lāi-tóe
13.左边：倒手爿 / tò-chhiú-pêng
14.前面：头前 / thâu-chêng
15.死胡同：无底巷 / bô-tóe-hāng
16.一段路：一节路 / chi̍t-tsa̍t-lō·
17.拐弯：斡弯 / oat-oan
18.这边：即爿 / chit-pêng
19.对不对：着呣着 / tio̍h m̄ tio̍h
20.玩耍：佚佗 / thit-thô, chhit-thô
21.不必：呣免 / m̄-bián
22.十分、非常：不止 / put-chí
23.五分钟：一字久 / chi̍t-jī-kú
24.知道：知影 / tsai-iáⁿ
25.码头：码头、路头 / bé-thâu, lō·-thâu
第四课 搭车 (TAH-CHHIA)
1.借问搭捷运仔有到火车站（火车头）无？
Chioh-mn̄g tah chia̍t-ūn-á ū kàu hé-chhia-tsām (hé-chhia-thâu) bô?
（请问坐地铁可到火车站吗？）
2.捷运仔无行火车站，汝坐的士啦。
Chia̍t-ūn-á bô kiâⁿ hé-chhia-tsām, lí chē tek-sî lah.
（地铁不走火车站，你打的吧。）
3.借问去晋江机场着搭甚物车？
Chioh-mn̄g khì Chìn-kang Ki-tiûⁿ to̍h tah sím-mi̍h chhia?
（请问到晋江机场得乘什么车？）
4.汝坐30路车去民航售票处，遐有车来接汝去机场。
Lí chē 30 lō· chhia khì bîn-hâng siū-piò-chhù, hia ū chhia lâi chiap lí khì ki-tiûⁿ.
（你乘30路车到民航售票处，那儿有车接送到机场。）
5.我卜（欲）去漳州，我想卜（欲）来去梧村车站坐车。
Góa beh khì Chiang-chiu, góa siūⁿ beh lâi-khì Ngô·-chhng chhia-tsām chē-chhia.
（我要到漳州，我想到梧村车站乘车。）
6.梧村车站拆捒囉，汝着去松柏车站遐搭车。
Ngô·-chhng chhia-tsām thiah-sak lo·h,  lí to̍h khì Siông-pek chhia-tsām hia tah-
chhia.
（梧村车站拆了，你要去松柏车站那儿乘车。）
7.汝会当倩的士过去。
Lí ē-tàng chhiàⁿ tek-sî kè–khì.
（你可以雇的士过去。）
8.头前是双叉路，有青红灯，着嗳张持。
Thâu-chêng siang-chhe-lō·, ū chhiⁿ-âng-teng, tio̍h-ài tiuⁿ-tî.
（前面是个岔路，有交通灯，要小心。）
9.迄个路口车真侪，汝过车路着细腻。
Hit-ê lō·-kháu chhia chin tsōe, lí kè chhia-lō· to̍h sòe-jī.
（那个路口车很车，你过马路要小心。）
10.我上爱骑摩托车（乌都拜）上班，呣惊塞车。
Góa siōng ài khiâ mô·-thok-chhia (o·-tó·-bái) siōng-pan, m̄-kiaⁿ that-chhia.
（我最喜欢开摩托车上班，不怕塞车。）
11.汝扎遮侪物件，真僫得挤上车啦。
Lí tsah hiah tsōe mi̍h-kiāⁿ, chin oh-tit kheh chiūⁿ chhia lah.
（汝带这么多东西，很难挤上车的。）
12.抑无，汝共我鬥摕一寡。
Ah bô, lí kā góa tàu the̍h–chi̍t-kóa.
（要不，汝帮我拿一些吧。）
13.即条路逐日遘kah即个时阵着会塞车。
Chit-tiâu lō· ta̍k-ji̍t kàu-kah chit-ê sî-tsūn to̍h-ē that-chhia.
（这条路每天到这个时候就会堵车。）
14.我卜（欲）踅路行囉，有啥侬卜落车无？
Góa beh se̍h-lō·-kiâⁿ lo·h, ū siáⁿ-lâng beh lo̍h-chhia bô?
（我要绕路了，有谁要下车吗？）
15.机师，汝小等一下，我即阵卜落车哦。
Ki-su, lí sió-tán chi̍t-ē, góa chit-tsūn beh lo̍h-chhia o·h.
（司机，你稍等一下，我现在要下车哦。）
16.遮呣准停车啦，开咔头前淡薄互汝落去。
Chia m̄-tsún thêng-chhia lah, khui khah thâu-chêng tām-po̍h hō· lí lo̍h–khì.
（这儿不准停车的，往前开一点让你下去。）
17.歹势哦，借过一下，我卜（欲）落车。
Pháiⁿ-sè o·h, chioh-kè chi̍t-ē, góa beh lo̍h-chhia.
（不好意思，让一让，我要下车。）
18.遮小停一下。
Chia sió-thêng chi̍t-ē.
（这儿停一下吧。）
19.十字路口，过车路着行斑马线。
Si̍p-jī lō·-kháu, kè chhia-lō· to̍h kiâⁿ pan-má-soàⁿ.
（十字路口，过马路要走斑马线。）
20.卜（欲）去同安开发区，除去坐小巴，佫有别种车无？
Beh khì Tâng-oaⁿ khai-hoat-khu, tû-khì chē sió-pa, koh ū pa̍t-chióng chhia bô?
（要到同安开发区，除了坐小巴还有别的车吗？）
21.Ah嘛会当搭公交车。
Ah mā ē-tàng tah kong-kau-chhia.
（那也可以搭公交车。）
日常用语：
1.空中小姐：空姐 / khong-chiá
2.空少：空少 / khong-siàu
3.轮船：火船(hé-tsûn)、火燻船(hé-hun-tsûn)、火煙船(hé-ian-tsûn)
4.汽船：电船 / tiān-tsûn
5.出租车：的士 / tek-sî
6.小轿车：小车 / sió-chhia
7.乘车：搭车 / tah-chhia
8.开车：驶车 / sái-chhia
9.末班车：尾班车 / bé-pan-chhia
10.破车：怯车、沤车 / khiap-chhia, àu-chhia
11.到达：遘抵 / tàu-tè
12.迷路：荡无路、失路 / tōng-bô-lō·, sit-lō·
13.自行车：跤踏车 / kha-ta̍h-chhia
14.救护车：救护车 / kiù-hō·-chhia
15.私人汽车：私家车 / su-ka-chhia
16.公共汽车：巴士 / pa-sū
17.三轮车：三辇车 / saⁿ-lián-chhia
18.摩托车：摩托车(mô·-thok-chhia)、扑扑车(phok-phok-chhia)、o·-tó·-bái
19.下车：落车 / lo̍h-chhia
20.红绿灯：青红灯 / chhiⁿ-âng-teng
21.车站：车站、车头 / chhia-tsām, chhia-thâu

第 17 页 共 17 页