资源描述
ཚང་མས་རྒྱུན་དུ་གཟིགས་གསལ་བཞིན་རྩེ་ཕོ་བྲང་གི་ཤར་ནུབ་གཉིས་ཀྱི་རྩིག་ངོས་དཀར་པོ་དང་། དབུས་ཀྱི་རྩིག་ངོས་དམར་པོ། ཤར་ངོས་དང་གཤམ་འོག་གི་ཁང་པ་འགའ་ཞིག་གི་རྩིག་ངོས་སེར་པོ་བཅོས་ཡིན། རྩེ་ཕོ་བྲང་གི་ཕྱིའི་རྩིག་ངོས་སུ་ཚོན་མདོག་དཀར་དམར་སེར་གསུམ་སྒྲོན་དགོས་དོན་ནི་ཕྱིའི་མཛེས་ཆ་ཙམ་ཅི་ནས་མིན་པར། དེར་རང་གི་བསྟན་བྱའི་ནང་དོན་གཏིང་ཟབ་རེ་ལྡན་ཡོད་དེ། དམར་པོ་ལས་ཁམས་གསུམ་དབང་དུ་འདུས་པ་མཚོན་ཞིང་། དཀར་པོ་ལས་ཡོངས་སུ་ཞི་བར་གནས་པ་བསྟན་པ་དང་། སེར་པོ་ལས་ཚེ་དང་བསོད་ནམས་འབྱོར་པ་སོགས་དར་ཞིང་རྒྱས་པ་མཚོན་གྱི་ཡོད། ཕོ་བྲང་གི་གཙོ་བོའི་ཚོན་མདོག་དཀར་དམར་གཉིས་ནི་བོད་ཀྱི་ཆོས་སྲིད་ཉིན་ཟླ་ཟུང་འབྲེལ་གྱི་མཚོན་ཚུལ་ཞིག་ཡིན་པས་ན། ཕྱོ་ངོས་གངས་རི་ཇི་བཞིན་རབ་ཏུ་དཀར་བའི་ཕོ་བྲང་དཀར་པོ་ནི་སྲིད་གཞུང་གི་བྱེད་སྒོ་སྤེལ་སའི་ཕོ་བྲང་དང་། གྲྭ་ཤག བང་མཛོད་སོགས་ཡིན་པ་དང་། དམར་པོ་ནི་ཆོས་ལུགས་ཀྱི་བྱེད་སྒོ་སྤེལ་སའི་མཆོད་ཁང་དང་ལྷ་ཁང་ཤ་སྟག་རེད། རྩིག་ངོས་ལ་སྒྲོན་པའི་ཚོན་མདོག་དང་བཟོ་སྐྲུན་གྱི་བཀོད་པའི་ཐོག་ནས་སྔ་མོའི་སྲིད་ཀྱི་ལམ་ལུགས་དང་ཆོས་ཀྱི་ནང་དོན་ཟབ་མོ་མཚོན་ཐབས་བྱེད་པ་དེ་ཡང་བོད་ཀྱི་ཐུན་མོང་མིན་པའི་རིག་གནས་ཤིག་རེད། རྩེ་པོ་ཏ་ལའི་ལྕོག་བཞི། དེ་ཡང་རྒྱལ་པོ་ལྕོག་དང་། ཤར་ཆེན་ལྕོག གཡུལ་རྒྱལ་ལྕོག བརྟན་མ་ལྕོག་བཞི་སྟེ། རྩེའི་ནུབ་ངོས་སུ་བཞུགས་པའི་རྒྱལ་པོ་ལྕོག་ནི་གཟུགས་དབྱིབས་ཕྱེད་སྒོར་མོ་ཡིན་པ་ལས། གནམ་གྱི་ཟླ་བ་མཚོན་པར་བྱེད་ལ། རྩེའི་ཤར་ངོས་སུ་བཞུགས་པའི་ཤར་ཆེན་ལྕོག་ནི་གཟུགས་དབྱིབས་སྒོར་མོ་ཡིན་པ་ལས། དགུང་གི་ཉི་མ་མཚོན་པར་བྱེད་ཅིང་། ཉིན་ཟླ་གཉིས་མཐོན་པོའི་དཔེ་རུ་བླངས་ནས་བླ་དཔོན་ཉིན་ཟླ་ཟུང་འབྲེལ་ཞེས་བོད་ཀྱི་སྔ་མོའི་ཆོས་སྲིད་ཟུང་འབྲེལ་གྱི་ལམ་ལུགས་མཚོན་པར་བྱས་ཡོད། རྩེའི་ཤར་ཟུར་དུ་མཆིས་པའི་གཡུལ་རྒྱལ་ལྕོག་ནི་གུ་ཤྲྀ་བསྟན་འཛིན་ཆོས་རྒྱལ་གྱིས་བོད་ལ་སོག་དམག་མངགས་ནས་གཙང་པ་ཀརྨ་བསྟན་སྐྱོང་དབང་པོ་ཕམ་ལ་སྦྱར་བའི་རྗེས་དྲན་གྱི་རྟེན་ལ་ལྕོག་དེ་བཞེངས་པས་ན། མིང་ལའང་གཡུལ་རྒྱལ་ལྕོག་ཅེས་ཐོགས་པར་གྲགས། ལྕོག་དེའི་ནང་མི་སྡོད་པ་ལས་ལྷ་དང་སྐུ་སོགས་གང་ཡང་མེད། བརྟན་མ་ལྕོག་ཅེས་པ་ནི་བརྟན་མ་བཅུ་གཉིས་བཞུགས་སའི་གནས་སའམ་གསས་ཁང་ལྟ་བུ་ཞིག་ཡིན། དེའི་ནང་གི་རྟེན་གཙོ་བོ་ནི་བརྟན་མ་བཀྲ་ཤིས་ཚེ་རིང་ཞེས་པའི་སྐུ་བརྙན་དེ་རེད། བརྟན་མ་བཅུ་གཉིས་ཞེས་པ་ནི་སློབ་དཔོན་རིན་པོ་ཆེས་དམ་ལ་བཏགས་པའི་བོད་ཁམས་སྐྱོང་བའི་སྲུང་མའི་གྲས་ཤིག་ཡིན་སྟབས། དེ་རྣམས་ལ་དམིགས་བསལ་དུ་རྩེར་ལྕོག་བཞེངས་ནས་སྲུང་ཁང་མཛད་པ་རེད། དེར་མགོན་པོ་ཞིག་བཞུགས་ཡོད་པ་མ་ཟད་སེར་སྐྱ་མང་ཚོགས་རྣམས་ནས་དེར་རྟག་ཏུ་སེར་སྐྱེམ་ཡང་འབུལ་སྲོལ་ཡོད།།
展开阅读全文
浙ICP备2021020529号-1 | 浙B2-20240490 
